ЕАДБ Азық-түлік корпорациясына 3,3 млрд рубль несие берді

Еуразиялық даму банкі (ЕАДБ) «Азық-түлік келісім-шарт корпорациясы» ұлттық компаниясына ауыл шаруашылығы өнімдерін сатып алуды қаржыландыру үшін 3,3 млрд ресей рублімен несие  ұсынды. Бұл туралы ЕАДБ баспасөз қызметінен хабарлады.

Банк қазірдің өзінде Азық-түлік корпорациясына 1,8 млрд рубль сомасының бірінші транш берді.

Азық-түлік корпорациясы Қазақстанның астық нарығындағы мемлекеттік оператор болып табылады, елдің азық-түлік қауіпсіздігін қамтамасыз етуге қатысады және республиканың астық саласын дамытуға жәрдемдеседі.

Баспасөз қызметі ЕАДБ қаражаты есебінен сатып алынған ауыл шаруашылығы өнімдері Банкке қатысы бар басқа да елдерге жеткізілуі мүмкін екендігін жоққа шығармайды. Атап айтқанда, «Азық-түлік корпорациясы» ҰК 2018 жылы 10 мың тонна, ал 2019 жылы Тәжікстанға 5 мың тонна астық экспорттады.

«Біз үшін елдердің экономикаларының қарқынды дамуына жан-жақты көмек көрсету маңызды іс болып табылады, оның ішінде агроөнеркәсіптік кешен сияқты басым сала негізгі орында тұр. Берілген ресурстар «Азық-түлік корпорациясы» ҰК «АҚ-ға 3 жыл ішінде көктемгі егіс және егін жинау жұмыстарын жүргізу барысында қазақстандық ауыл шаруашылығы тауарларын өндірушілерді қолдауды қамтамасыз етуге, сондай-ақ астық нарығын реттеу мақсатында ауыл шаруашылығы өнімдерін күзгі сатып алуды жүзеге асыруға мүмкіндік береді», - деп хабарлады ЕАДБ басқарма төрағасының орынбасары Амангелді Исенов.

Тақырыпқа байланысты оқу: Сапархан Омаров Азық-түлік корпорациясын басқарады

Естеріңізге сала кетейік, ағымдағы жылы Азық-түлік корпорациясы астық сатып алу мөлшерін 1 млн тоннаға дейін арттырған болатын. Алдағы уақытта бұл астық қоры ұн тарту, мал шаруашылығы және құс шаруашылығы ұйымдарына сатылатын болады.

Еуразиялық даму банкі - еуразиялық кеңістікте инвестициялық қызметті жүзеге асыратын халықаралық қаржы ұйымы. ЕАДБ 15 жылдан бері Армения, Беларусь, Қазақстан, Қырғызстан, Ресей және Тәжікстан елдерінің экономикалық байланыстарын нығайтуға және кеңейтуге және жан-жақты дамуына ықпал етіп келеді. ЕАДБ жарғылық капиталы $7 млрд қаражатты құрайды.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.