Шілде айының соңында ауа райы егіннің бітік шығуына қолайлы болды

Шілде айының үшінші онкүндігінде Қазақстанның барлық аумағында жауын-шашынды және ауа райы ыстық болды. Жауын-шашын мөлшері нормадан жоғары болып, жер ылғалданды, мұндай ауа-райы батыс облыстарда, Қостанай және Солтүстік Қазақстан облыстарының кей жерлерінде болды. Бұл туралы Қазгидрометтің агрометеорологиялық шолуында хабарланды.

«Оңтүстік облыстарда метеорологиялық жағдайлар күздік және жаздық дәнді дақылдардың толық пісіп-жетілуіне және егін жинау жұмыстарын жүргізуге қолайлы болды», - деп айтылды бұл шолуда.

Бақыланатын учаскелерде жаздық бидай егілген алқаптарда дақылдар «гүлдеу» және «пісу» фазасында, жекелеген учаскелерде «балауыз пісуі» белгілері көрінеді. Өсімдіктердің пісіп жетілуі негізінен жақсы және қанағаттанарлық жағдайда, Қостанай облысы Денисов ауданы Аршалы станциясы маңындағы егістердің жетілуі нашар болуда.

Жаздық арпаның жағдайы негізінен жақсы және қанағаттанарлық. «Пісу» - «балауыз пісу» деңгейінде, арамшөптер жиі кездеседі.

Елдің орталығы мен шығысындағы бақыланатын учаскелерде жаздық бидайдың жағдайы негізінен жақсы, Қарағанды облысының жекелеген учаскелерінде қанағаттанарлық. «Гүлдеу» - «балауыз пісу», ерте пісетін егістіктерде - «толық пісу» деңгейінде, арамшөптер жиі кездеседі. Сондай-ақ, Қарағанды облысында арпа егістігінің жағдайы жақсы және өте жақсы, «гүлдеу» және «сүтті пісу» кезеңі байқалды.

Тақырыпқа байланысты оқу: Климаттың өзгеруі Қазақстанның солтүстігі мен орталығындағы егістіктерге әсер етуде

Батыс облыстарда бақыланатын учаскелерде жаздық бидайдың жағдайы жақсы және қанағаттанарлық. Толық піскен аймақтарда егін жинау жұмыстарына кіріскен, кейбір жекелеген учаскелерде «балауыз пісу» кезеңі байқалады. Бидайдың масағындағы дәндердің орташа саны 12-27 дананы құрайды, оның ішінде піскен дәндер 30% -ға дейін.

Арпа егісінің пісіп жетілуі жақсы және қанағаттанарлық, Ақтөбе облысының Петропавл агропосты маңындағы егіс нашар. «Сүтті пісу» және «балауыз пісу» кезеңі жекелеген учаскелерде байқалады, себу мерзіміне байланысты «бөртпе» - «төменгі сабақтарында түйіндер пайда болуда. Жекелеген учаскелерде масақтағы дәндердің саны 12-21 дананы құрайды, оның ішінде 40% -ға дейін дәндері піскен.

Оңтүстік облыстарда бақыланатын учаскелерде күздік бидай мен арпа жинау жұмыстары аяқталып, жаздық бидайға кірісті.

Батыс Қазақстан облысында сафлордың өсуі жақсы және қанағаттанарлық, Шыңғырлау станцияларының айналасындағы егістіктің шығуы нашар. Арамшөптер жиі кездеседі. Мұндағы астық «гүлдеу» және «тұқымның пісуі» кезеңінде.

Шығыс Қазақстан және Павлодар облыстарында күнбағыс егілген учаскелерде дақылдар «өсіп-өну» және «гүлдену» фазасында, кей жерлерде «жетілу» кезеңінде, өсімдіктердің жағдайы барлық жерде жақсы. 100 шаршы метрдегі өсімдіктердің орташа саны 497-ден 602 данаға дейін, күнбағыс себетінің диаметрі 6-дан 12 см-ге дейін жетеді.

Солтүстік Қазақстан және Қостанай облыстарындағы бақыланатын учаскелерде майлы зығырдың өсу жағдайы жақсы. «Көктей пісу» - «ерте сары пісу» кезеңінде.