Қазақстанда шілде айында аптап ыстық болды

Шілде айында екі рет жылу толқыны келгендіктен температура жаңа рекордтық көрсеткіштерге дейін жетті, ыстық көп жылдық максимум шамадан да асты. Бұл туралы Қазгидромет хабарлады.

Шілденің бірінші онкүндігінде ауа температурасы республика бойынша орта есеппен + 35 + 47 °С болды. Атап айтсақ, 7 шілде күні «Қызылордағы» метеорологиялық станцияда ауаның ең жоғары температурасы +46,5 °С болып белгіленді, осылайша 1975 жылғы рекорд жаңартылып, 20 шілдеде ауа температурасы +46,0 °С болды.

Үшінші онкүндіктің бірінші жартысында Қазақстанның барлық аумағында ауа температурасы +34 +44 °С дейін көтерілді. Бұл ретте Түркістанда 25 шілдеде +44,1 °С болды, бұл көрсеткіш 2017 жылғы алдыңғы рекордтан (+42,5 °С) асып түсті.

Синоптиктердің мәліметінше, екінші онкүндіктің ортасында шілденің кейбір күндері және айдың соңында Қазақстанның солтүстігінде, солтүстік-батысында және орталығында ең төменгі ауа температурасының рекордтары жаңартылды. Мысалы, «Рузаевка» метеорологиялық станциясында (Солтүстік Қазақстан облысы) 29 шілдеде түнде ауа температурасы +5,3 °С болды, нәтижесінде осы түннің алдыңғы рекорды (2020 жылы +7,7 °С) жаңарды.

Тақырыпқа байланысты оқу: «Алқаптардан 40 ц/га өнім алған егістіктер де бар»

Бұдан басқа, шілде айының ішінде екпінді жел жиі байқалды - секундына 15-28 метрге дейін, жекелеген аудандарда ол дүлей гидрометеорологиялық құбылыстар критерийлеріне - секундына 30-37 метрге дейін жетті.

Сондай-ақ, 7-8 шілдеде Ақтөбе метеорологиялық станциясында қатты жаңбыр - 54,7 мм (бір айда норма 30 мм болған жағдайда), Үштөбе метеостанциясында (Алматы облысы) диаметрі 20 мм бұршақ жауды.

Тұтастай алғанда, бір айда жауын-шашын 44,3 мм (нормадан 89%) түсті. Бір айдағы норма - 50 мм.

Биылғы жылы Қазақстанда құрғақшылық салдарынан мал шаруашылығы қатты зардап шекті. Ішкі нарықты жем-шөппен қамтамасыз ету үшін мал азығын басқа елдерге шығаруға тыйым салынды және астық экспортына квота енгізілді. Сонымен қатар, Үкімет жем-шөп дайындауды және жем-шөпті өңірлерге беруді қамтамасыз ету үшін бірқатар басқа да шаралар қабылдады.

Халықаралық астық кеңесі 2021/22 маркетингтік жылы қазақстандық астық өндірісінің болжамын 0,2 млн тоннаға, яғни 17,6 млн тоннаға дейін төмендетті.