Қазақстанның АШМ-ы ресейлік «КамАгродан» зиян шеккен фермерлерге көмек көрсетеді

ҚР Ауыл шаруашылығы министрлігінің баспасөз қызметі Татарстаннан келген «КамАгро» компаниясының әрекетінен зардап шеккен фермерлерге көмек көрсетуге уәде беретін хабарлады.

2019 жылы ақтөбелік фермерлер «КамАгро» серіктестігінің әрекеттеріне наразылық білдірген болатын, себебі олар жалған құжат жасап асыл тұқымды малдың орнына кәдімгі сиырларды алдап сатып жіберген. Сонымен қатар, ірі қара малдың бір бөлігі Қазақстан Республикасына мүлдем жеткізілмеген. Ал бұл ауыл шаруашылығындағы малдарды сатып алу үшін  мемлекеттік несиелер алынған болатын. Жақында фермерлер тағы да БАҚ бетінде аталған мәселені көтерді, енді олар мемлекеттік несиені мақсатсыз пайдаланғаны үшін айыппұл төлеп жатқандарын мәлімдеді. Фермерлер Ауыл шаруашылығы министрлігі басшылығына, «ҚазАгро» холдингіне, Бас прокурорға және басқа да ведомстволардың басшыларына оларды өздерінен аулақ болудан қорғауды сұрап хат жазды.

Ауыл шаруашылығы министрлігінің баспасөз қызметінің хабарлауынша, 16 қазақстандық фермерге «КамАгро» компаниясының әрекеті әсер еткен. Сонымен бірге, департамент фермерлер өздері сатушыны таңдағанын айтты.

“Ресейлік «КамАгро» мал сататын компанияны фермерлердің өздері таңдаған. Олар бұл мәмілені  ҚР Ауыл шаруашылығы министрлігі, «ҚазАгро» холдингі және оның еншілес ұйымдарының қатысуынсыз жасаған. «ҚазАгро» холдингінің еншілес компанияларынан несие қаражатын алғаннан кейін, қазақстандық фермерлер «КамАгро» компаниясымен Чехия мен Польшадан 1269 ірі қара мал жеткізу туралы келісім жасасқан. Келісімшарттық міндеттемелерге сәйкес, фермерлер барлық соманың 89% -ына дейін аванс ақшаны «КамАгроға»  аударған», - деді Ауыл шаруашылығы министрлігі.

Ведомствоның мәліметінше, әкелінуге тиіс 1269 бас малдың біршамасы ғана жеткізілген. Сонымен бірге тәуелсіз қоғамдық ұйымдар Чехия мен Польшадан «КамАгро» әкелген малдың асыл тұқымды емес екендігін анықтаған.

Осыған орай, Ауыл шаруашылығы министрлігі фермерлердің өкілдерімен бірге бірнеше рет Қазанда, Татарстанның Ауыл шаруашылығы және азық-түлік министрлігімен келіссөздер өткізді. Сондай-ақ Чехия Ауыл шаруашылығы министрінің орынбасары және Чехияның Қазақстандағы елшісімен де  кездесулер өтті.

«Осы кездесулердің нәтижесінде және Татарстанның құқық қорғау органдарымен  бірлесе атқарған жұмыстардың қорытындысы бойынша, Қазақстан Республикасының Ауыл шаруашылығы министрлігі фермерлердің мүдделерін  қорғай отырып, қылмыстық іс қозғалды», - деп хабарлады баспасөз қызметі.

Сонымен бірге, қазіргі уақытта Ауыл шаруашылығы министрлігі 16 қазақстандық фермердің проблемаларын шешу үшін басқа шараларды қабылдауда. Ведомствоның хабарлауынша, «ҚазАгро» холдингінің еншілес ұйымдары зардап шеккен фермерлерге төлем жасауды кейінге қалдырып, 2020 жылдың 1 шілдесіне дейін тоқтатты. Барлық айыппұлдар да алынып тасталады.

Сонымен бірге, «ҚазАгро» еншілес ұйымдары 2024 жылдың 1 шілдесіне дейін фермерлерге төлемдерді кейінге қалдыруды және несиелер бойынша айыппұл есептелуін тоқтата тұруды  сот тәртібімен реттеуге дайын. «КамАгроның» шарттық міндеттемелерін орындамағаны туралы қылмыстық істі соттық қарау нәтижелері бойынша 2033 жылға дейін одан әрі ұзарту мүмкіндігі қарастырылады.

Сонымен қатар, Қазақстан Республикасының Ауыл шаруашылығы министрлігі Ресей тарапына, атап айтқанда, Ауыл шаруашылығы министрлігіне, Бас прокуратураға, сондай-ақ Ресей Федерациясының Ішкі істер министрлігіне хаттар жіберді. Татарстан Республикасының басшылығына, сондай-ақ Татарстанның құқық қорғау органдарына «КамАгро» келісімшарттық міндеттемелерін орындамағаны туралы хат жіберілді. Мәселені шешу үшін Қазақстанның Ресей Федерациясындағы, Чехиядағы және Польшадағы елшіліктері, сондай-ақ Қазақстан Республикасы Сыртқы істер министрлігі қосылды.

«Бұл мәселе Қазақстан Республикасы Ауыл шаруашылығы министрлігінің тұрақты бақылауында, зардап шеккен 16 фермерге консультативтік көмек көрсетіледі, арнайы қызметкерлер тағайындалып, ақысыз заңгерлік көмек, оның ішінде Қазақстанның мемлекеттік органдарында және шетелде талап арыздар дайындауды қамтамасыз етеді. Үнемі мониторинг жүргізіліп, келіп түскен барлық өтініштер жеке қаралады», - деп түйіндеді баспасөз қызметі.

Аграрлық несие корпорациясының хабарлауынша, ресейлік оператордың әрекетіне зардап шеккен 16 кәсіпкердің 8-і несиемен қаржыландырылғанын хабарлады. Ол фермерлер «КамАгро» -ға ақшаларын толықтай төлеген, бірақ әлі күнге дейін малдарын ала алмай отыр.

«Аталған даулы мәселеде әр фермердің жағдайы әртүрлі. Бес несие орнынан ақша алған 8 қарыз алушы 585,3 млн. теңгеге 829 бас ІҚМ сатып алуды жоспарлаған. Бірақ табан астында  сатушыдағы малдың бағасы қымбаттай бастағын. Нәтижесінде, қарыз алушылар 792 бас мүйізді ірі қара сатып алу үшін 490,28 млн. теңге көлемінде аванстық төлем жасаған. Қазіргі уақытта 98 ірі қара мал ғана қолдарына тиген, сонымен қатар сиырдың көпшілігі уәде етілгендей асыл тұқымды болмай шықты. «КамАгро» әлі 694 бас ірі қара малды жеткізбеді», - делінген АКС хабарламасында.

Департаменттің мәліметі бойынша, Аграрлық несие корпорациясы зардап шеккен фермерлерге негізгі қарызды және банктің сыйақысын төлеу мерзімін шегерді, ол «КамАгро» -дан ірі қара малды алу мәселесі шешілген кезеңге дейін қалдырылды. Болашақта АКС ауылшаруашылық тауар өндірушілеріне көмек пен қолдау көрсететін болады.