ҚР-да ферма салу құрылысына мемлекеттік сараптама жүргізу талаптары қайта қаралды

Қазақстанда 1,5 мың ірі қара мал басына жетпейтін ферма салу кезіндегі мемлекеттік сараптама жүргізу туралы талап алынып тасталады. Бұл туралы ОКҚ-да өткен брифингте ҚР Ауыл шаруашылығы бірінші вице-министрі Айдарбек Сапаров мәлімдеді.

Вице-министр атап өткендей, бүгінгі күнге дейін 200-ден астам ірі қара малға арналған ферма құрылысында міндетті мемлекеттік сараптамадан өту талаптары қолданылатын.

«Қазіргі уақытта министрлік бұл мәселені 2020 жылдың аяғына дейін орындалатын экономикалық жағдайды қалпына келтірудің кешенді жоспарына енгізді. Бүгінгі күні Индустрия және инфрақұрылымды дамыту министрлігінде тиісті бұйрық дайындалды. Олар мынандай өзгертулер енгізді: 200-дің орнына 1500 мал басы болу керек. Мұндай фермаларды салу кезінде жеке сараптаманы қолдануға болады, ал 1500-ден астам бас мал өсіруге арналса, мемлекеттік сараптама қажет болады», - деді А.Сапаров.

Ол сонымен қатар бұйрық әділет органдарында 8 маусымда тіркелгенін және осы күннен кейін 10 күн ішінде күшіне енуі керек екенін түсіндірді. 

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.