Қалпына келтірілген сүт бұдан былай «сүт сусыны» деп жазылмайтын болады

Еуразиялық экономикалық одақтың «Сүт және сүт өнімдерінің қауіпсіздігі туралы» техникалық регламентіне өзгерістер енгізілді. Бұл туралы Еуразиялық экономикалық комиссияның (ЕЭК) баспасөз қызметінде хабарлады.

«Аталған құжатқа қайта өңделген сүтке қойылатын талаптар енгізілді, ол өнімнің сыртындағы қаптамасына жазылатын сүт өнімдеріне байланысты. Осылайша, оны өнімді сәйкестендіру және қауіпсіздік көрсеткіштеріне қатысты белгісі жойылды», - деді ЕЭК баспасөз қызметі.

Комиссия бүгінгі күнге дейін қалпына келтірілген сүтті өндірушілер өз өнімдерін  таңбалағанда, тұтынушыларға ұнамайтын атауды, яғни «қалпына келтірілген сүт» деген жазудың орнына «сүт сусыны» деген таңбаны қолдануға мәжбүр болғанын атап өтті.

​Аталған өзгерістер қалпына келтірілген сүтті өндірушілерді анықтап, оны өнім қаптамасына «қалпына келтірілген сүт» деп жазып, айналымға шығаруға мүмкіндік береді.

ЕЭК Кеңесінің шешімі Комиссияның веб-сайтында ресми жарияланған күннен бастап 180 күнтізбелік күн өткен соң күшіне енеді.

ЕАЭО «Сүт және сүт өнімдерінің қауіпсіздігі туралы» техникалық регламентіне сәйкес, «қалпына келтірілген сүт» дегеніміз  қапталған сүт немесе сүт өңдеу өнімдерін өндіруге арналған шикізаттан басқа, қоюландырылған немесе кептірілген сүт өнімдері мен судан жасалған сусындардан басқа сүт өнімдері болып табылады.

 

Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.