Қостанай облысы бір жылда балық экспортын үш есеге арттырды

Қостанай облысы жыл басынан бері 33 тонна балық экспорттады, бұл өткен жылдың осы мезгілімен салыстырғанда үш есеге артық. Бұл туралы облыс әкімі Архимед Мұхамбетов мәлімдеді.

«2019 жылдың қорытындысы бойынша, Қостанай облысының балық шаруашылығының көрсеткіші: балық аулау – 662 тонна, балық өсіру-11 тоннаны құрады. Облыс аумағында 12 ащы-тұзды су қоймасы орналасқан, олардың 9 - ы балық шаруашылығы субъектілеріне бекітілген, олардың 2-еуі резервтегі кәсіпорын болып табылады», - деп жазды облыс әкімі әлеуметтік желіде.

Оның мәліметінше, облыс 2019 жылы 11,5 тонна балық экспорттаса, биыл бұл көрсеткіш 33 тоннаға жетті.

Аталған аймақта балық шаруашылығын жүргізуге жарамды 825 су қоймасы бар. А.Мұхамбетов балық саласының салаларын бірге дамыту қажеттігін атап өтті: балық аулау, балық өсіру, балық шабақтарын ұстау, балық өнімдерін қайта өңдеу және экспортқа шығаруды дамыту қажет.

«Қостанай облысының балық шаруашылығын дамытудың 2021-2030 жылдарға арналған өңірлік бағдарламасының жобасын әзірлеу тапсырылды» - деп қорытындылады сөзін оболыс әкімі.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.