АӨК-тің мемлекеттік бағдарламасына Дүниежүзілік банктің «етке» неси беру талаптары ескеріліп, өзгерістер енгізілді

Премьер-Министр Қазақстан Республикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасына өзгерістер енгізу туралы қаулыға қол қойды. Аталған түзетулер Дүниежүзілік банктің 2020 жылы мал шаруашылығын тұрақты дамыту жобасына (МШТДЖ) бөлінетін $500 млн. несиеге  негізделген.

Қаулы Бағдарламаның «АӨК субъектілері үшін қаржыландыру қол жетімділігін арттыру және агроөнеркәсіптік кәсіпорындар үшін оңтайлы салық режимін қамтамасыз ету» деп көрсетілген 5.2-бөліміне қосымша түзетулер енгізілді.

Атап айтқанда, бұл құжатта МШТДЖ шағын фермерлерге қызмет көрсететін  мекемелерді қолдауға, оның ішінде ауыл шаруашылығын субсидиялауға, қаржыға қол жетімді болуға, ветеринарлық қызметтерге, сондай-ақ осы саладағы жайылымдарды пайдалануға бағытталғандығы айтылған.

МШТДЖ -ны іске асырудың бірінші кезеңі Агроөнеркәсіптік кешенді дамытудың мемлекеттік бағдарламасы шеңберінде жүзеге асырылатын болады.

Тақырыпқа байланысты оқу:  $500 млн. тәуекел: не себепті «ет» несиесі Қазақстанға қажет емес

Ет бағытындағы ірі қара мал саласындағы білімді кеңейту үшін ауыл шаруашылық тәжірибесінің, мал шаруашылығының және жайылымдарды басқарудың озық тәжірибелері туралы кеңес беру жүйесі құрылады.

Жобаның маңызды бағыттарының бірі ірі қара мал санын тіркеу үшін Бірыңғай ақпараттық жүйені (ББЖ) дамыту болады. Мұндай жүйе Қазақстанда жұмыс істейді, оның формасы және мазмұны Банк талаптарына сай жасалған. Жүйені одан әрі дамыту үшін 9,196 мың еуро беріледі. Тағы 18 392 мың еуро жүйеде тіркелген барлық ІҚМ деректерін ББЖ мәліметтеріне ауыстыруға бөлінеді. Жаңадан ірі қара малды тіркеу үшін 18 392 мың еуро беріледі.

Шағын және орта шаруа қожалықтарының ветеринарлық қызметтерге қол жеткізуі үшін ветеринарлық іс-шаралардың тиімділігін арттырады,GAP талдау нәтижелері бойынша Халықаралық эпизоотия бюросы берген ұсыныстарға сәйкес жеке ветеринариялық қызметтерді қамтамасыз ету үшін заңнамаға өзгерістер енгізіледі. Осы іс-шараларды қаржыландыру лимиті 4 598 мың. еуроны құрайды. Тіркелген және оқудан өткен ветеринарлардың санын арттыру үшін - 64 372 мың еуро.

Сонымен қатар, шағын және орта шаруа қожалықтарының иелерін озық тәжірибеге оқытуға 4,598 мың еуро және сертификаттауға 5 мың бөлінеді. Бұл бағыт бойынша жалпы қаржыландыру 91 960 мың еуроны құрайды.

«Сыбаға» бағдарламасына қатысатын және мал бордақылау орындарына мал сататын фермерлер санын көбейту үшін несие әрбір қосымша 1 000 фермерге 4 598 мың еуро немесе барлығы 91 960 мың еуро беру қарастырылған.

Тақырыпқа байланысты оқу: Дүние жүзілік банк несиесі негізінен отбасылық фермаларға берілетін болады- деп хабарлады АШМ

Сондай-ақ, аталған жоба аясында Қазақстан парникті газдардың шығуын бақылау және ет саласындағы өзгеруін қадағалау бойынша міндеттемелер алады.

Дүниежүзілік банктің несиесі нәтижеге негізделген бағдарлама форматында ұсынылады. Бағдарламаны дайындау және іске асыру үшін жергілікті атқарушы органдардың, қаржы және ғылыми мекемелер мен ұйымдардың мал шаруашылығы мен ветеринария саласындағы өкілдерінің қатысуымен Үйлестіру кеңесі және жұмыс тобы құрылды.

Дүниежүзілік банктің қаржылай қолдауы  нәтижеге жеткеннен кейін болады. Мониторингті жүзеге асыру үшін Ауыл шаруашылығы министрлігі жобаларды басқару қызметін құрып, Ауыл шаруашылығы министрлігінің операциялық бюджетінен МШТДЖ іске асыру кезеңіндегі индикаторларға қол жеткізуді бағалау үшін тәуелсіз тексеру агенті мен аудиторлар жұмыс істейтін болады.