АӨК-ті кешенді дамытудың ұлттық жобасы 1 шілдеге дейін бекітіледі

2022 - 2026 жылдарға арналған агроөнеркәсіптік кешенді дамытудың ұлттық жобасы 1 шілдеге дейін дайындалып, бекітілуі керек. Бұл бұйрықты уәкілетті мемлекеттік органдарға Қазақстан Республикасының Президенті Қасым-Жомарт Тоқаев Ақордада өткен жоғарғы кеңестің үшінші отырысы кезінде тапсырды, деп хабарлады мемлекет басшысының баспасөз қызметі.

Ақорданың хабарлауынша, Қазақстан Республикасының 2025 жылға дейінгі ұлттық даму жоспары жақын кезеңге арналған міндеттерді айқындайтын негізгі құжат болып табылады. Онда негізгі салаларды дамыту, басты саясатты жетілдіруге арналған нұсқаулар қарастырылғанр.

«Қазіргі уақытта цифрландыру жұмысы, агроөнеркәсіптік кешенді дамыту, кәсіпкерлік, бәсекелестікті арттыру, қоршаған ортаны қорғау және басқа да бірқатар жобаларды дайындау бойынша жұмыстар жүргізілуде. Бұл құжаттар ағымдағы жылдың 1 шілдесінен кешіктірілмей әзірленіп, бекітілуі керек», - деді баспасөз қызметі.

Тақырыпқа байланысты оқуТоқаев АӨК-ті дамыту бағдарламасының маңыздылығы туралы айтты

Сонымен бірге, аталған ұлттық жобалар белгілі бір мерзім ішінде нәтижеге қол жеткізуге бағытталған және толықтай қаржыландырылуы тиіс деп атап көрсетілген.

Қасым-Жомарт Тоқаев жобаны жасау барысында салалық мәселелерді талқылауға білікті сарапшылардың белсенді қатысуын қамтамасыз етуді, ал егер аса маңызды қоғамдық мәселелер қозғалатын болса, онда азаматтардың барынша көп қатысуын қамтамасыз етуді тапсырды.

Ауыл шаруашылығы министрлігінің баспасөз қызметінен ElDala.kz-ке хабарлағандай, қазіргі таңда АӨК-ті дамытудың ұлттық жобасының бөлімдері бойынша келіп түскен ұсыныстар мен ескертулер талқыланып, қарастырылуда. Құжатты әзірлеуге Біріккен Ұлттар Ұйымының Азық-түлік және ауыл шаруашылық ұйымы (ФАО) қатысты.

«Қазірдің өзінде жұмыс тобы құрылды, оның құрамына «Атамекен»ҰКП, салалық қауымдастықтар мен фермерлер кәсіподақтары, ауыл шаруашылығы ғалымдары және басқалар да кірді», - деп хабарлады баспасөз қызметі.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.