Ауыл шаруашылығы министрлігі мал экспортына тыйым салу елдегі ет өңдеуге қалай әсер еткенін айтты

Қазақстанда ет өндірісінің көлемі (құс етін қоспағанда) 2020 жылғы қаңтар-қараша айларында 435 мың тоннадан асты: 2019 жылдың осындай кезеңімен салыстырғанда 3,2% артық болып есептеледі. Шұжық өндірісі шамамен 12% -ға, 48-ден 53,8 мың тоннаға дейін, ет консервілері - 13,8% -ға, 7,7-ден 8,8 мың тоннаға дейін өсті. Бұл туралы ҚР Ауыл шаруашылығы министрлігінің баспасөз қызметі хабарлады.

Министрліктің мәліметінше, өткен жылдың қаңтар-қазан айлары аралығында сиыр етінің экспорты $26,4 млн. құраған болатын.

«Отандық дайын өнім өндірісінің өсуі мал шаруашылығы мен етті қайта өңдеу саласындағы мемлекеттік көмектің артуымен байланысты. Сонымен қатар, өткен жылы ҚР Ауыл шаруашылығы министрлігі  мал экспортына мораторий жариялауы қайта өңдеу кәсіпорындарының қуаттылығына әсер етіп, жұмыстарын жақсартты. Аталған шара малддың жаппай экспортын тоқтатып қана қоймай, президенттің тапсырмасына сәйкес дайын өнім өндірісін ұлғайтуға мүмкіндік берді», - деп атап өтті Ауыл шаруашылығы министрлігі.

Тақырыпқа байланысты оқу: Атамекенде мал экспорттауға дауыс беру қалай өтті

Департамент 2017-2021 жылдарға арналған агроөнеркәсіптік кешенді дамытудың мемлекеттік бағдарламасы аясында ет өңдеушілерге бірқатар қолдау жасағанын еске салды. Жұмсалған шығындардың бір бөлігі (25% -ға дейін) қолданыстағы өндірістерді жаңартуға және жаңа зауыттардың құрылысына инвестиция салу үшін өтеледі. Сондай-ақ, «Қарапайым заттар экономикасы» бойынша жұмыс істейтін және негізгі құралдарға арналған жеңілдетілген несие беруде пайыздық мөлшерлемені субсидиялау қарастырылған.

Сонымен қатар, Ауыл шаруашылығы министрлігі фермерлерге бұқаларды сою үшін етке өткізген кезде де субсидия берді. Мал өсірушілер тірілей салмақтың килограмы үшін мемлекеттен қосымша 200 теңге алады.

Еске салсақ, үкімет бизнес қауымдастықпен бірлесіп, мал экспортына салынған мораторий мерзімін ұзартуды қарастырып жатыр.