Алматы облысында мал ұрлығына қарсы қолданылатын смарт құрылғы тексеріліп жатыр

Алматы облысы Ақсу ауданының полиция қызметкерлері малдың мойнына смарт құрылғы тағу арқылы ұрлықпен күресудің  жаңа әдістерін бастады. Бұл туралы облыстық полиция департаментінің баспасөз қызметі хабарлады.

Ақсу АПБ полиция қызметкерлері жергілікті тұрғындарға малдарды ұрлауға және жайылым кезінде жануарлардың жоғалуына жол бермеу үшін смарт құрылғы қолдануға кеңес береді. Тәжірибе көрсеткендей, бұл малды сақтаудың тиімді әдістерінің бірі.

«Өздеріңіз білетіндей, мұндай қылмыстар көп кездеседі. Ауылшаруашылығы саласындағы қылмыстық ахуалды жақсарту үшін, сондай-ақ мал ұрлығына байланысты қылмыстардың алдын алу мақсатында мұндай құрал ең жақсы қорғаныс болады. Ұрыларға осындай GPS бауы бар малды тасу немесе ұрлау қиын болады», - деді Ақсу облыстық полиция басқармасының бастығы, полиция подполковнигі Дәурен Сәкенов.

Оның айтуынша, малды ұрланған жағдайда оның иесі электронды құрылғы арқылы малдың қайда екенін және олардың қай бағытта қозғалатынын көре алады.

Бұған дейін Ауыл шаруашылығы министрлігі мал ұрлығы үшін жазаның қатал болуы, ауыл шаруашылығы малдарын тіркеу, COVID-19 пандемиясы 2020 жылы мал ұрлығы фактілерін екі есеге азайтуға мүмкіндік берді деп хабарлаған болатын. Соңғы жылдары мал ұрлау фактілері барлық облыстарда азайып келеді. 2015 жылы 8 мың қылмыс тіркелді, 2016 жылы - 7,3 мың (-8%), 2017 жылы - 6,4 мың (-13%), 2018 жылы - 5,6 мың (-12,4%), 2019 жылы - 4,7 мың (-15,2 %). Яғни, 2015 жылдан 2019 жылға дейін тіркелген жағдайлардың саны 40% -ға азайды.

Тақырыпқа байланысты оқуАШМ мал ұрлығы мәселесін қалай шешуде

Сонымен қатар мамандар жазаның қатал болуы мал өсірушілерді мал ұрлығынан құтқармайды дейді.

«Біз бұл әдістерді жүйелі түрде жасауымыз керек, малды қадағалауды, барлық жануарларды есепке алуды және жан-жақты бақылауды қамтамасыз ету арқылы шешуіміз қажет. Мал иелері барлық әдістерді қолданады: малдың құлағына ен салады, таңбалайды, GPS датчиктер қолданады. Тіптен кейбір жайылымдық жерлер қоршалған. Бірақ бұл тәсілдер мәселені шеше алмауда. Мал ұрлығы әлі де жалғасуда», - деді «Атамекен» ҰКП  АӨК және тамақ өнеркәсібі департаментінің директоры Ербол Есенеев.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.