Қазақстаннан 7 айда 111 мыңға жуық ІҚМ басқа елдерге шығарылды

ҚР Ауыл шаруашылығы министрлігінің деректері бойынша, 2021 жылдың жеті айында (қаңтар-шілде) Қазақстаннан 110 мың 874 бас ірі қара және 95 мың 640 бас ұсақ қара мал шығарылды.

Экспорттаушы өңірлер арасында көшбасшы Түркістан облысы болды - 84 мың 913 бас ІҚМ. Екінші орында Жамбыл облысы - 18 мың 658 бас ІҚМ. Үшінші кезекте Ақтөбе - 3 мың 387 бас ІҚМ.

Ұсақ қара мал бойынша Түркістан облысы да бірінші орында – бұл аймақтан 92 мың 788 қошқар шығарылды. Яғни, барлық қошқар сатылды. Екінші орында Батыс Қазақстан облысы- 1 905 бас әкетілді. Үшінші орында Шымкент - 720 қой. Төртінші орында Ақтөбе облысы тұр - 184 қой. Бесінші орында Жамбыл облысы - 43 қой.

Айта кетерлік бір жағдай, жеті ай ішінде Қазақстаннан жалпы алғанда 188 жылқы, 100 шошқа, 14 түйе, 100 мың балапан, 133,6 тонна тірідей шаян шығарылды.

Тақырыпқа байланысты оқуТүркістан облысы тірідей мал экспорттауды арттыратын болады

Естеріңізге сала кетейік, Қазақстанда 2020 жыл бойы тірі малды шығаруға мораторий жарияланған болатын. Бұл шешімді ҚР Ауыл шаруашылығы министрлігі 2019 жылы мал басын (оның ішінде аналық мал) шетелге, негізінен Өзбекстанға жаппай әкету басталғаннан кейін қабылдады. Қазақстаннан 2018 жылы 39 мың ірі қара мал шығарылса, ал бір жыл ішінде 156 мыңнан астам ІҚМ (аналық мал басы 8830 бас) экспортталды.

2020 жылдың соңында үкімет ірі қара мал мен ұсақ қара малдың аналық мал басын шығаруға тыйым салуды ұзартты, ал бұқалар мен қошқарлар сыртқа шығарыла басталды. Тірі малды әкетуге рұқсат бере отырып, ҚР Ауыл шаруашылығы министрлігі экспортталатын жануарлардың саны бойынша квоталар енгізуге уәде берді. Алайда, әзірге ол жасалған жоқ.

Шілденің соңында ғана Ауыл шаруашылығы министрлігі бұқалар мен қошқарларды шығаруға мал санына шектеулер  (квоталар) енгізуді қарастыратын бұйрық жобасын жариялады. Аталған квоталар көлемі халық санына, тұтыну нормаларына, өндіріс мөлшеріне, қамтамасыз етілуіне және тапшылығына, қайта өңдеу кәсіпорындарының қажеттілігіне қарай есептеліп, әрбір өңір бойынша әзірленеді деп жоспарлануда.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.