1 қыркүйектен бастап астық экспортына квота енгізіледі

Квоты на экспорт зернофуража введут с 1 августа

Қазақстанда ішкі нарықты мал азығымен қамтамасыз ету үшін жарты жыл мерзімге жемшөпті елден шығаруға және астыққа арналған жемді квоталауға тыйым салу туралы бұйрықтар қабылданды. Бұл туралы бүгін Үкімет отырысында ауыл шаруашылығы министрінің міндетін атқарушы Ербол Карашөкеев мәлімдеді.

«23 тамызда республикадан жемшөпті әкетуге уақытша тыйым салуды енгізу туралы шешім күшіне енеді, 1 қыркүйектен бастап астық жемінің экспортын квоталау енгізіледі», - деп нақтылады АШМ басшысы.

Естеріңізге сала кетейік, аталған квота  5 класты жұмсақ бидай мен меслин, арпа, сондай-ақ күнбағыс, соя, рапс, мақта және зығыр шроты сияқты өнімдерге қатысты енгізіледі. Аталған шешім бойынша шөп, сүрлем, сұлы және қара бидай шығаруға толықтай тыйым салынады. Бұл шектеулер алты ай мерзімге енгізіледі.

АШМ мәліметінше, жалпы республика бойынша шөп дайындау жоспары 23,7 млн тоннаны құрайды. Бүгінгі таңда 19,7 млн тонна шөп немесе 83% шөп дайындалды.

Сондай-ақ, сүрлем дайындауға кірісті, алға қойылған жоспар мөлшері 2 млн тоннадан асады. 4,8 млн тонна сабан және 6 млн тонна құнарлы мал азығын дайындау жоспары бекітілді. Солтүстік өңірлер үшін тек шөп жинау бойынша ғана емес, басқа өңірлердешөп жетіспеген жағдайда оларға сабан жіберу үшін артығымен дайындау тапсырылды. Мал азығына арналған жемшөп дайындау 15 қазанға дейін аяқталады деп күтілуде.

Ербол Қарашөкеев хабарлағандай, құрғақшылықтан зардап шеккен Маңғыстау және Қызылорда облыстарына жем-шөп сатып алу шығындарын өтеуге үкімет резервінен 3,6 млрд теңге бөлінді. Маңғыстау облысының бюджетінен қосымша 5,3 млрд теңге бөлінді. Сонымен қатар, жергілікті бюджеттерден осы мақсаттарға 9,1 млрд теңге бөлінді, қосымша 4,5 млрд теңге бөлінеді деп күтілуде.

Тақырыпқа байланысты оқу: Ауыл шаруашылығы министрлігі мал азығының бағасын бақылайтын болады

Еріктілер ұйымдары зардап шеккен өңірлерге 150 вагон жем-шөп жеткізді. Барлығы 2000 вагонға дейін жеткізу жоспарлануда.

"Бұл ресурстарды жергілікті жерлерде бөлу қоғамдық кеңестердің белсенді қатысуымен жүргізіледі. Осы көмекті ұйымдастырғаны үшін еліміздің барлық еріктілері мен немқұрайлы азаматтарына зор алғысымды білдіргім келеді ", - деді Ербол Қарашүкеев.

Бұдан басқа, Азық-түлік корпорациясы арқылы зардап шеккен өңірлерге нарықтық құннын 17%-ға төмен бағамен 1,2 мың тонна мал жеміне арналған арпа сатылды. Қазіргі уақытта Азық-түлік корпорациясы мен «Байтерек» компаниясы 200 мың тонна көлемінде жемдік астықтың қосымша резервін құруға 20 млрд теңге бөлу және фермерлерге суару және жемшөп дайындау техникасын лизингке беру мәселелерін қарастыруда.

Жергілікті атқарушы органдарға құрғақшылықтан зардап шеккен өңірлерге көмек көрсететін қорлар құру, сабан дайындау және астық жемі мен кебек резервін құру бойынша жұмысты ұйымдастыру тапсырылды. Қолданыстағы заңнама бюойынша жемшөп бағасына бақылауды күшейту, бағаның негізсіз өсуіне жол бермеу жөнінде қажетті шаралар қабылдау керектігіне ерекше назар аударылды.