Маңғыстауда құдық қазуға қосымша субсидиялар бөлінеді

Маңғыстау облысының әкімдігі мал суару үшін ұңғымаларды бұрғылауға бөлінетін субсидиялар көлемін ұлғайту мүмкіндігін қарастыруда. Бұл туралы облыс әкімінің баспасөз қызметінен хабарлады.

«Мемлекет басшысы Маңғыстау облысына сапары барысында үкіметке ұңғымаларды бұрғылауға арналған субсидиялар көлемін 50% -дан 80% -ға дейін ұлғайтуды тапсырды. Бұдан басқа, қазір біз жергілікті бюджеттен ұңғымаларды бұрғылауға жұмсалатын шығындардың тағы 10% -ын субсидиялау мүмкіндігін қарастырып жатырмыз, осылайша бұрғылауға берілетін субсидияларды 90% -ға дейін арттырамыз. Мәселені мұқият зерттегеннен кейін, оң шешім қабылданған жағдайда ол облыстық мәслихатқа талқылауға жіберіледі», - деп хабарлады жиналыс барысында облыс әкімі Нұрлан Ноғаев.

Тақырыпқа байланысты оқуМаңғыстау облысында жасанды жаңбыр жаудыру технологиясы ұсынылуда

Ол сондай-ақ ауыл шаруашылығы мен мал шаруашылығын жүргізу әдістеріне ұтымды тәсілді қолдану қажеттігін атап өтті.

«Құрғақшылық барлық мал иелері үшін үлкен сынақ болды. Бұл жағдайдан біз тек бірге жұмылып және ұйымдасқан түрдегі жұмыстың арқасында ғана шыға аламыз. Осыған орай сала ардагерлерінің тәжірибесі өте маңызды, оны пайдалану қажет. Сондай-ақ малды күтіп-бағу, табиғи және климаттық жағдайлар, жем-шөп базасын салу бойынша өз мүмкіндіктерімізді ұтымды қарау қажет. Мемлекеттік органдар қолданыстағы заңнама  аясында барынша қолдау көрсететін болады, бірақ олар әрбір азаматтың малына жауап бермейді. Ауыл шаруашылығын тиімді енгізу үшін іске ұтымды және жүйелі тәсілді қолдану қажет», - деп мәлімдеді әкім.

Бұған дейін Қасым-Жомарт Тоқаев шенеуніктердің немқұрайлы қарауын сынаған болатын. Ол құрғақшылықтан зардап шеккен Маңғыстау облысының фермерлеріне көмек көрсету кезінде шенеуніктердің баяулығын айтты. Жағдайды тұрақтандыру үшін бөлінген қаражат облыс әкімдігі мен уәкілетті министрлікте қағазбастылықпен айналысуларына байланысты істің орындалмайтыны ескертілді.

«Ұңғымаларды бұрғылауға бөлінетін субсидия мөлшері 80% -дан 50% -ға дейін қысқартылды. Үкімет бұл шешімді қайта қарап, Маңғыстау және Қызылорда облыстары үшін қаражатты өтеу көлемін 80% -ға дейін ұлғайтуы қажет», - деді Президент.

Үкімет Маңғыстау облысында аналық мал басына арналған жем-шөп шығындарын өтеу үшін 1,9 млрд теңге қаражат бөлген болатын. Биылғы жылы аталған өңірде қажетті шөп көлемін дайындау мүмкін емес. Себебі, бұл аймақта ерекше құрғақшылық салдарынан жайылым толығымен күйіп кетті. Сондықтан мал азығы басқа облыстармен салыстырғанда аз болуда, алайда еріктілер басқа  өңірден жем-шөп әкелуде. Сондай-ақ, көрші өңірлерде шөп шабу және мал жаю туралы келісімге қол жеткізілді.

Ауыл шаруашылығы министрлігінің ақпараты бойынша, Маңғыстау облысында кеңестік кезеңде малдың барлық түрінен шамамен 732 мың бас мал болған және жалпы ұзындығы шамамен 3400 км болатын 43 құдық, 260 тоған және су құбырлары жұмыс істеген. Қазір облыста шамамен 840 мың мал ұсталуда, ал құдық саны 2500-ге дейін қысқарған. Соңғы 30 жылда облыста жайылымдарды қалпына келтіру бойынша іс жүзінде ешқандай іс-шаралар жүргізілмеген.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.