Идрисов Дінмұхамед Аппазұлы

Дінмұхамет Идрисов Қазақ КСР Шымкент облысы Арыс ауданында дүниеге келген.

Білімі

1989 ж. – Өскемен құрылыс-жол институтының Алматы филиалы, мамандығы «Құрылыс инженері».

1999 ж. – Қазақ мемлекеттік басқару академиясы, мамандығы «Экономист».

Құрылыс материалдары ғылыми-зерттеу институтында аспирантура. 

2002 ж.  – Дінмұхамет Идрисов техникалық ғылымдар кандидаты, диссертация тақырыбы: «Қабырғалық керамика мен аргиллит құрамының көмір қалдықтарының ғылыми-технологиялық негіздері».

2006 ж. – Қазақстан Республикасы Инженерлік академиясының академигі.

Динмұхамбет Идрисовтың карьерасы

1989-1990 жылдары – ҚазКСР ЖЭУ-1 Минавтожол шебері.

1989-1996 жылдары – Алматы автожол институтының оқытушысы.

1990 ж. – Өскемен жол-құрылыс институтының аға лаборанты.

1991-1996 жылдары – Алматы автожол институтының ассистенті.

1996-1997 жылдары – «Қараспан» ЖШС директоры.

1997 ж. – «Алма-Ойл» ЖШС және «Ордабасы» ЖШС
құрылтайшысы және президенті.

2000 ж. қаңтарынан бастап. – «Ордабасы» ЖШС Директорлар кеңесінің төрағасы.

2001-2003 жылдары – «Қазақстанның Наурыз Банкі» Директорлар кеңесінің төрағасы, «Нефтебанк» Директорлар кеңесінің мүшесі.

2002 ж. сәуірден бастап – «Ордабасы» корпорациясы» АҚ президенті.

2004 ж. шілде – «Ақтөбе мұнай жабдықтары зауыты» Директорлар кеңесінің мүшесі.

2005 ж. ақпан-маусым – «Қазақстан коммуналдық жүйелері» АҚ Директорлар кеңесінің төрағасы.

2005-2006 жылдары – «Қазақстан Темір Жолы» Ұлттық компаниясының Басқарушы директоры, Қазақстан Республикасы Президентінің жанындағы Кәсіпкерлер кеңесінің мүшесі.

2007 ж. – «Атамекен» Одағы » Ұлттық Экономикалық палатасының Басқарма мүшесі.

2007-2010 жылдары – Қазақстан Республикасы Президентінің жанындағы Кәсіпкерлер кеңесінің мүшесі.

2008 ж. – «Оңтүстік «ӘКК «Ұлттық компаниясы» АҚ Директорлар кеңесінің мүшесі.

2009-2012 жылдары – «Amanat Insurance» сақтандыру компаниясы» АҚ Директорлар кеңесінің мүшесі.

2010 ж. бастап – «Maten Petroleum» АҚ Директорлар кеңесінің төрағасы.

2010 ж. сәуірінен бастап – «Ordabasy Group»ЖШС Бақылау кеңесінің төрағасы.

2012 ж. – «Amanat Insurance» СК » АҚ Директорлар кеңесінің төрағасы.

Динмұхамбет Идрисов «Қазақстан коммуналдық жүйелері» ЖШС Бақылау кеңесінің төрағасы лауазымына сайланған.

Наградалары мен атақтары

2005 ж. – Дінмұхамет Идрисов «Құрмет» орденімен марапатталды.

2001 ж. – «Парасат» орденімен марапатталды.

Қызықты фактілер

• Дінмұхамет Идрисов 2 монография жазды, 40 асқан жарияланған ғылыми еңбектердің авторы, ол еңбектердің 5-і шетелде жарияланған;
• Алматы облысының «Сәулет» керамикалық блоктар зауытында (Қазақстан) және Тольятти кірпіш зауытында (Ресей) енгізілген өнертабыстарға Қазақстан Республикасының 4 авторлық куәлігі мен патентіне ие.
• Қазақстан Республикасы Оңтүстік Қазақстан облысы «Сұңқар» Агроөнеркәсіптік концерніне» енгізілген өсімдіктерді қорғау құралдары мен минералдық тыңайтқыштар өнертабысына 14 патентке және алдын ала патент алуға берілген 3 шешімге ие.
• Дінмұхамет Идрисов 90-жылдардың басынан бастап оқытумен қатар бизнеспен айналысты.
• «Достарыңызбен бірлесіп бизнес ашпаңыз – не бизнесіңізді, не достарыңызды жоғалтуға тура келеді» қағидасымен келіспейді.

Дінмұхамет Идрисовтың байлығы

Forbes.kz ақпаратына сәйкес Дінмұхамет Идрисовтің байлығы 2019 жылы 250 млн долларға 2018 ж. – 280 млн долларға, 2017 ж. – 280 млн долларға, 2016 ж. – 479 млн долларға, 2015 ж. – 506 млн долларға, 2014 ж. – 465 млн долларға, 2013 ж. – 430 млн. долларға, 2012 ж. – 220 млн. долларға бағаланды.

Дінмұхамет Идрисов  «Ордабасы» басқарушы компаниясының бақылау үлесінің иесі, оған Оңтүстік Қазақстан, Қарағанды, Маңғыстау және Шығыс Қазақстан облыстарында ұсынылған еліміздегі ең ірі «Қазақстан коммуналдық жүйелері» энергетикалық компаниясы тиесілі. Сондай-ақ, оған және оның отбасына «ҚазАзот», «Аңсаған Петролеум», «Ақтөбе мұнай жабдықтары зауыты» үлестерімен Amanat сақтандыру компаниясы тиесілі.

Дінмұхамет​ Идрисов Forbes.kz рейтингісінде:

• 25 орын – «Қазақстандағы ең ықпалды 50 кәсіпкер 2019»;
• 21 орын – «Қазақстандағы ең ықпалды 50 кәсіпкер 2018»;
• 19 орын – «Қазақстандағы ең ықпалды 50 кәсіпкер 2017»;
• 4 орын – «Қазақстандағы ең ықпалды 50 кәсіпкер 2016»;
• 4 орын – «Қазақстандағы ең ықпалды 50 кәсіпкер 2015»;
• 6 орын – «Қазақстандағы ең ықпалды 50 кәсіпкер 2014»;
• 16 орын – «Қазақстандағы ең ықпалды 50 кәсіпкер 2013»;
• 41 орын – «Қазақстандағы ең ықпалды 50 кәсіпкер 2012».
• 26 орын – «Қазақстандағы ең бай 50 бизнесмен 2019»;
• 23 орын – «Қазақстандағы ең бай 50 бизнесмен 2018»;
• 20 орын – «Қазақстандағы ең бай 50 бизнесмен 2017»;
• 11 орын – «Қазақстандағы ең бай 50 бизнесмен 2016»;
• 13 орын – «Қазақстандағы ең бай 50 бизнесмен 2015»;
• 14 орын – «Қазақстандағы ең бай 50 бизнесмен 2014»;
• 17 орын – «Қазақстандағы ең бай 50 бизнесмен 2013»;
• 23 орын – «Қазақстандағы ең бай 50 бизнесмен 2012».

Дінмұхамет Идрисов туралы не айтады/жазады

«Ол кез келген істі жасанды, мақтану мақсатымен жасамайды және қоршаған ортасына үнемі ықыласын тө­гіп, бар зейінімен көңіл бөледі. Ал, мұндай игі қасиеттер  оның деңгейіндегі іскерлерде сирек кездеседі. Жұмыста әртүрлі жағ­дайлар, тіптен, тік мінез көрсетуге де  тура келетін кездер де болады. Ондай келеңсіз жағдайлар өз басында орын алып жатса,  Дінмұхамед оны соңынан  жуып-шаюға бар.» (серіктесі Ержан Достыбаев) 

«Ордабасыны» құрушы қазір де өзін босаңсытуға жол бермейді. Іс сапарға шыққан кездерден бас­қа күндері ертеңнен кешке дейін  кеңседе болып, жұмыс күнін толығымен қызметіне арнайды.» (серіктесі Ержан Достыбаев)

Цитаталары

«Әлбетте, ол кезде таңдау да, ерекше түсінік те болмады, бәрі жағдайларға байланысты жүріп жатты. Барлық сатып алу және сату – аяқ киімнен бастап компьютерге дейін, бөлшек саудадан шағын көтерме саудаға дейін жетті. Артық бөлшектер Ресейден жеткізілді. Соңынан оның барлығының көлемі барынша өсіп, бірқалыпты оқытушылық жұмысқа уа­қыт та жетіспейтін болды. Одан кетуге де мүмкіндік болмады – институт жібермей қойды.» (2014 ж. қазан)

«90-шы жылдардың орта шенінде біз жүйелі түрде жұмыс істеп, ірі сұ­ра­ныстарды орындай бастадық. Бірде, «Қа­зақойл» мұнай кеніштері құ­рал-жаб­дықтарына арналған артық бөлшек­терді жеткізіп бердік. Олардың ақшалары болмады да бізге  оның орнына мұнай өнімдерін айырбасқа алуға ұсыныс жасалды. Бізге байланыссыз жағдайлардың арқасында осылайша мұнай базарына кіру сәті түсті. Бірнеше жылдан соң барып, маржинальды және тез дамушыға айналдық.» (2014 ж. қазан)

«Бақытыма қарай менің өз өмірімде дос­ты немесе бизнесті таңдау деген бол­ған жоқ. Біздің өз ұстанымымыз: «Егер, біреумен іс жасасаң, ондағы ең ма­ңыз­дысы істің өзі емес, оны кіммен жа­сайтындығыңда. Біздің ұстанымымыз: «Егер, біреумен іс атқаратын болсаң, онда бастысы істің өзі емес, ең маңыздысы кіммен жұмыс істеуде. Сондықтан да, кіммен істес болсам да, олармен  (оның ішінде мемлекеттік қызметке немесе өзінің бизнесіне кеткендермен де) осы уақытқа дейін жақсы қарым-қатынастамын.» (2014 ж. қазан)

«Әрине, біздің өзімізге де көп оқып-үй­­ренуге тура келді. Мұнда ғылыми ма­шықтық та айтарлықтай пайдасын ти­гізді. «Алма Ойлда» бізді толығымен жағдай басқарды. Ал, «Ордабасыда» жағдайды өзіміз басқаруға және тек өзіміздің стратегиямызға сай жұмыс істеуге тырыстық.» (2014 ж. қазан)

«Сингапурде қауіпсіз және ондағы білім беру деңгейі жоғары. Мұндай дәрежедегі оқу орнына түсу өте қиын, бірақ осыған қарамастан бірнеше Қазақстандық жоғары сынып оқушылары (бұрын мұнда негізінен тек қытайлар мен үнділер оқитын) конкурсты жеңіп алған.» (2014 ж. қазан)

«Жұ­мыс­тан соң үйге асығамын – балаларыммен көбірек бірге болғым келеді.» (2014 ж. қазан)

Отбасы

Дінмұхамет Идрисов Ыдырысова (Нұрлақова) Магда Камалқызына үйленген. Жеті баланың әкесі. Балалардың оқу мәселелерімен өзі айналысады.

Хоббиі

Дінмұхамет Идрисовтың хоббиі – отбасы.