Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Алматы және Шығыс Қазақстан облыстарында түнде үсік жүреді деп күтілуде
05 июня 2020
Алматы және Шығыс Қазақстан облыстарында сенбі және жексенбі түндері аяз болады деп болжам айтылуда. Бұл туралы «Қазгидромет» хабарлады.
6-7 маусымға қараған түні Алматы облысының солтүстік-шығысында және Шығыс Қазақстан облысының кей жерлерінде топырақ беті қатып, 1-3 градус аяз болып, дауыл тұрады деп ескертілді.
Сонымен қатар, 6 маусымда Ақтөбе және Маңғыстау облыстарында күн күркірейді. Түнде Шығыс Қазақстан облысының таулы аймақтарында жауын-шашын (жаңбыр, қарлы жауын), кей жерлерде тұман болады. Найзағай және бұрқасын болып, күндіз бұршақ жаууы мүмкін.
Атырау облысында да 6 маусымда түнде кей жерлерде найзағай күркіреп, күндіз шаңды дауыл тұрады. Солтүстік-батыстан соққан жел, түнде секундына 15-20 метр жылдамдыққа дейін жетеді.
Сенбі күні Түркістан облысының кей жерлерінде шаңды дауыл тұрады, шығыстан жел соғып, екпіні секундына 25 метрге жетеді.
Қызылорда облысында секундына 15-20 метр жылдамдықпен шаңды дауыл соғады.
Сонымен қатар, Қазгидромет 6-8 маусымға арналған ауа райы болжамын ұсынды. Алдағы күндері республиканың басым бөлігінде ауа-райын бірқалыпты етіп сақтайтын солтүстік облыстардан тұрақты антициклон келеді. Солтүстік және орталық облыстарда температура түнде 5-10-нан 10-15 градусқа, ал күндіз 18-23-тен 25-30-градусқа дейін көтеріле бастайды.
Қазақстанның батысы мен шығысында ауа райы тұрақсыз болады, кей жерлерде өткінші жаңбыр және бұршақ жаууы мүмкін. Кей жерлерде жел күшейеді, оңтүстікте және оңтүстік-батыста шаңды дауыл тұрады деп күтілуде.
