СҚО мен Ақмола облысында түнде суық болады

Сенбіге қараған түні Ақмола және Солтүстік Қазақстан облыстарында күн суытады. Бұл туралы «Қазгидромет» хабарлады.

20 маусымға қараған түні Ақмола және Солтүстік Қазақстан облыстарының кей жерлерінде 2 градусқа дейін күн суытады. Ақмола облысында түнде және таңертең кей жерлерде тұман болып, дауыл тұрады деп хабарланды.

Сонымен қатар, 20 маусымда Шығыс Қазақстан облысында күндіз кей жерлерде қатты жаңбыр жауып, найзағай ойнап, бұршақ жауады. Шығыстан, оңтүстік-шығыстан секундына 15-20 метр жел тұрады, екпіні секундына 25 метрге дейін жетеді.

20 маусымда Түркістан, Қызылорда және Маңғыстау облыстарында шаңды дауыл болады деп болжануда.

Батыс Қазақстан облысының кей жерлерінде қатты ыстық болып, 35-38 градусқа жетеді, Маңғыстау облысында күн 40 градусқа дейін болады деп күтілуде. Атырау облысында - 35-37 градусқа дейін ыстық болып, жоғары өрт қаупі туындайды.

Қазгидрометтің хабарлауынша, 20-22 маусымда қысымның күрт өзгеруіне байланысты Қазақстанның солтүстік жартысының кей жерлерінде найзағай ойнап, бұршақ жауады. Таңертеңгі уақытта топырақ бетінде аяз болады, күндіз ауа температурасының біртіндеп көтерілуі байқалады. Республиканың оңтүстік жартысында ауа райы ыстық, жауын-шашын болады деген ауа райы болжамы айтылуда.

 

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.