Қазақстанның Ауыл шаруашылық министрлігінде жаңа комитет ашылады

Қазақстанның Ауыл шаруашылығы министрлігі тамақ және қайта өңдеу өнеркәсібі комитетін құруды жоспарлап отыр. Бұл туралы бүгін өткен үкіметтің отырысында Ауыл шаруашылығы министрі Сапархан Омаров хабарлады.

«Ауылшаруашылық өнімдерін қайта өңдеудің бірыңғай саясатын қалыптастыру үшін Ауыл шаруашылығы министрлігі жанынан тамақ және қайта өңдеу өнеркәсібі комитетін құру ұсынылады, оған тиісті функциялар мен қажетті кадрлар бөлінеді», - деді басқарма басшысы.

Сондай-ақ, оның айтуынша, агроөнеркәсіптік кешенді алдағы уақытта дамытудың жаңа мемлекеттік бағдарламасының Тұжырымдамасында шикізат пен өңдеу салаларын дамытудың бірыңғай тәсілі ұсынылатын болады.

Агроөнеркәсіптік кешеннің экспорттық әлеуетін іске асыру үшін сыртқы нарықтардағы жағдайды зерттеу жоспарлануда.

«Көлік шығындарына субсидия берумен қатар, экспорттық өнімдерді сертификаттауда жұмсалатын шығындардың орнын толтырумәселесі шешілетін болады. Сондай-ақ отандық ауылшаруашылық өнімдерін сатудың  тиімді әдістерін дайындау жүзеге асырылады. Импорттаушы елдердің нарығына егжей-тегжейлі шолу жасайтын экспорттық гидтердің стандартты жүйесін енгізу жоспарлануда», - деді Сапархан Омаров.

Биылғы шектеулер салынған кезеңде егін жинауға қатысты Ауыл шаруашылығы министрлігінің басшысы осы көктемде тексерілген жұмыс алгоритмі қолданылатындығын айтты. Ол фермерлердің кедергісіз қозғалып, жүріп-тұратындығын, жанар-жағармай материалдары мен қосалқы бөлшектермен  қамтамасыз етілетіндігін айтты.  Сондай-ақ электронды түрдегі және қағаз түрдегі рұқсаттардың болатындығын ескертті.

«Егін жинау науқанына қажетті техниканы дайындау жұмыстары басталды, ал жаппай егін жинау науқаны басталған кезде дайындық 100% болады. Элеваторлар мен астық қоймаларының материалдық-техникалық базасын дайындау жұмыстары жүргізілуде», - деп қорытындылады  хабарламасын С.Омаров.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.