Агрофорум AgroWorld Qazaqstan 2023 алаңдарында өтеді

Фото көзі: Iteca

AgroWorld Qazaqstan 2023 Ауыл шаруашылығы халықаралық көрмесі Алматыда, «Атакент» орталығында (9-11 павильондар) 1-3 қараша аралығында өтеді. Мұнда 22 елдің қатысушыларынан агробизнес, фермерлік және ауыл шаруашылығы үшін ең озық технологиялар мен инновациялар ұсынылады.

Көрмені ұйымдастырушы ITECA компаниясының хабарлауынша, 200 компания: мал шаруашылығы, құс шаруашылығы, жем-шөп өндіру, егіншілік, бау-бақша, суару, көкөніс шаруашылығы, тұқым шаруашылығы, ветеринария, жылыжай бизнесі, қалдықтарды өңдеу және ауыл шаруашылығы ғимараттарын салуға арналған жабдықтарды, техниканы, агрегаттарды ұсынады.

Көрменің іскерлік бағдарламасы аясында сала сарапшыларының, бейінді министрліктер, қауымдастықтар мен одақтар өкілдерінің қатысуымен Агроөнеркәсіптік форум өтеді. Сондай-ақ, агробизнес, жаңа өнімдер мен жабдықтар бойынша оқыту сессиялары ұйымдастырылады.

Аграрлық форумға төрт бизнес-сессия кіреді:

• Табиғат пен технологияларды біріктіретін шешімдер: тақырыптарға арналған - жылыжай технологиялары, рентабельділік; тұқымдар және өсімдіктерді қорғау; суды пайдалану, экология, көгалдандыру технологиялары және қалалық аумақтарды ұтымды пайдалану; өсімдік шаруашылығындағы биотехнология және басқалар (Нидерланды Корольдігінің Елшілігі және ҚР Жылыжайлар Одағы);
• Құс шаруашылығындағы табысты бизнес үшін сенімді технологиялар (ҚР Құс өсірушілер одағы);
• Бау-бақша шаруашылығындағы заманауи технологиялар;
• Азық-түлік өнеркәсібі кәсіпорындарының тұрақты дамуы.

Сонымен қатар, «Құс шаруашылығына арналған жабдық» және «Қойманы тоңазытқышпен қамтамасыз ету: энергия тұтынуды оңтайландыру және тиімділікті арттыру тәсілдері» тақырыбындағы екі семинар өтеді.

Қызығушылық танытқандар сондай-ақ «Қазақстан агроөнеркәсіп кешенінің қажеттіліктері мен болашағы» тақырыбындағы шеберлік сағатына қатыса алады.

Тақырып бойынша оқу: AgroWorld Qazaqstan 2023 Алматыда 1-3 қарашада өтеді

AgroWorld Qazaqstan барлық іс-шараларына билет болған жағдайда тегін қатысуға болады. Тіркеу көрме сайтында немесе @agroworld_qz профилінде көрсетілген сілтеме арқылы жүргізіледі. Сілтемеге өтіп, промокодты пайдаланып билет алыңыз: AWK2023ELD. Бір промокодқа келушілердің шексіз санын тіркеуге болады.

Сондай-ақ, көрменің сайтында толық іскерлік бағдарлама мен қатысушылар тізімі жарияланды.

Естеріңізге сала кетейік, FoodExpo Qazaqstan - Азық-түлік өнеркәсібі,  ColdChain Qazaqstan - тоңазытқыш жабдықтары және т.б. көрмелер қатар өтеді.