ҚР және РФ елдері Жамбыл облысында ЕвроХим зауытын салу туралы келісімге қол қойды

21 шілдеде Қазақстанның Ресейдегі Елшісі Ермек Көшербаев пен Ресей Федерациясының Өнеркәсіп және сауда министрі Денис Мантуров Жамбыл облысында минералды тыңайтқыштар өндіретін зауыт салу  жөнінде «ЕвроХим» минералды-химиялық жобаны жүзеге асыру туралы үкіметаралық келісімге қол қойды. Бұл туралы Қазақстан Республикасы Премьер-Министрінің баспасөз қызметі хабарлады.

Аталған жоба Қазақстанның оңтүстігіндегі Қаратау фосфорит бассейнінің кен орындарын игеруді және қуаттылығы 1 млн тоннаға дейін жететін минералды тыңайтқыштар мен өнеркәсіптік өнімдер өндіретін жаңа зауыт салуды көздейді. Қазіргі  уақыттағы инвестициялар көлемі шамамен 270 миллион долларды құрайды, енді шамамен 800 миллион доллар инвестиция салу керек.

«Химиялық кәсіпорынның жұмысы Жамбыл облысында кем дегенде 1200 жаңа жұмыс орнын ашуға мүмкіндік береді, сонымен қатар өңдеу өнеркәсібі мен ауыл шаруашылығының дамуына елеулі серпін береді, азық-түлік қауіпсіздігін арттыруға, Жамбыл облысының әлеуметтік-экономикалық дамуына, Қазақстан Республикасының экспорттық әлеуетін арттыруға және интеграцияны едәуір нығайтуға мүмкіндік береді Қазақстан мен Ресейдің іскерлік байланыстары артады», - деп Ермек Көшербаев құжатқа қол қою кезінде өз ойын білдірді.

Бүгінгі таңда ЕвроХим ШХК жобасының бірінші кезеңі сәтті аяқталды, олар фосфорит кен орнын игеріп, жұмыстар жүргізуде, жылдық өндірістік қуаты 640 мың тонна фосфоритті ұн өндіретін кешен іске қосылды.

Қол қойылған Келісімнің негізінде жобаның екінші кезеңі басталады, қолданыстағы өндірісті кеңейтуге және химия өнеркәсібіндегі ең жақсы технологияларды қолдана отырып, 2021 жылы зауыттың құрылысын бастауға болады.

Өз кезегінде, ЕвроХим зауытының салынуы- бұл екі ел үшін ұзақ мерзімді әлеуметтік-экономикалық тұрғыдағы және өнеркәсіптік кооперацияны дамытудағы маңызды ресейлік-қазақстандық жобалардың бірі болып табылады.

«ЕвроХима» бас директоры Игорь Нечаевтың айтуынша, пандемияға қарамастан, компания жоспарларына өзгерістер енгізілсе де, жоба Қазақстанда жалғасатын болады.

«Қазақстандағы жаңа кәсіпорын Ресейден калий хлоридімен қамтамасыз етіледі. Жобада жалпы құны 50 млн. АҚШ доллары болатын ресейлік энергетикалық және тау-кен жабдықтарын пайдалану жоспарлануда. Соңғы өнім Қазақстанның ішкі нарығына, сондай-ақ Қытайға, Орталық және экспортқа шығарылады. Оңтүстік-Шығыс Азия, Таяу Шығыс елдеріне жіберілетін болады», - деп түсіндірді Денис Мантуров.

EuroChem Group AG негізінен азот және фосфат тыңайтқыштарын, сонымен қатар органикалық синтез өнімдері мен темір кені концентратын шығаратын әлемдегі жетекші кәсіпорындардың бірі болып табылады. EuroChem қызметі минералдар мен көмірсутектер өндіру, сондай-ақ тыңайтқыштар өндірісі, логистика және тауарларды жеткізу жұмыстарымен айналысады.