Жаңаөзенде қант өңдейтін зауыт ашылады

Жаңаөзенде орналасқан «Орда» ЖШС жыл соңына дейін қант өңдейтін зауытты іске қосуды жоспарлауда. Бұл туралы Маңғыстау облысы әкімінің баспасөз қызметі хабарлады.

«Шағын зауытта түйіршіктелген қант пен науат өндіретін болады. Салынған инвестиция көлемі 86,6 млн теңгені құрайды», - деп хабарлады әкімдіктен.

Қазіргі уақытта зауыттың құрылысы аяқталды, жабдықтарды іске қосу жұмыстары жүріп жатыр. Аталған нысан жылдың соңына дейін пайдалануға беріледі.

Инвестициялық жоба іске қосылған кезде 35 жұмыс орны ашылады.

Биыл Маңғыстау облысында бірнеше өнеркәсіптерді іске қосу жоспарланған. Олардың ішінде - «Ақтау-Агро» ЖШС-ның Түпқараған ауданында орналасқан құс фабрикасы және «Жамалбек» ЖШС-ның Мұнайлы ауданындағы мал бордақылау зауыты.

Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.