ҚР-да міндетті түрде дәрумендер қосылатын өнімдер тізімі бекітілді

Денсаулық сақтау министрлігі міндетті түрде фортификациялауға тиісті тамақ өнімдерін дәрумендермен байыту (фортификациялау) және олардың нарықта сатылу ережесін бекітті.

Денсаулық сақтау министрлігінің түсіндіруінше, фортификация-бұл дәрумендерді, минералдарды және басқа заттарды тамақ өнімдеріне өңдеу процесі кезінде енгізу. Бұл тамақ өнімдерінің тағамдық және биологиялық құндылығын арттыру мақсатында орындалады, сондай-ақ Республика тұрғындарында қандай да бір элементтердің тапшылығынан туындаған аурулардың профилактикасы шарасы ретінде жасалады.

Жаңа ережелерге сәйкес Қазақстанда сатылатын жоғары және бірінші сұрыптағы  бидай ұны құрамында темір бар дәрумендермен, минералдармен және басқа да пайдалы заттар міндетті түрде қосылатын болады. Нан пісіретін ашытқылар, нан, тоқаш өнімдері және ұннан жасалған кондитерлік өнімдеріне йод препараттары, В және Е тобының витаминдері, никотин және фолий қышқылы, К-каротиннің суда еритін препараттары, витаминді-минералды қоспалар енгізілетін болады.

Тақырыпқа байланысты оқу: Технологтар нан пісіру құпиясымен бөлісті

Тұрғындар ішетін ыдысқа құйылған ауыз суға биологиялық белсенді макро - және микроэлементтер (йод, фтор, кальций, магний, гидрокарбонаттар, натрий, калий, селен) қосылатын болады. Алкогольсіз сусындарға- А, С, РР, В тобының витаминдері, макроэлементтер (кальций, магний, натрий, калий) салынады.

Ас тұзына міндетті түрде йод қосылатын болады.

Сондай-ақ фортификациялауға: сүт және ашытылған сүт өнімдері; май өнімдері; дәнді дақылдардан жасалған жарма өнімдері; дайын тағамдар жатады.

«Мектепке дейінгі балалар мекемелері мен балалар мен жасөспірімдер тәулік бойы болатын ұйымдарда дайын тағамдарға С-витамині салынады. Тағамдарды витаминдеу үшін сусындарды (компотты) таратар кезде жасалынады, оларды үлестірер алдында +15 градустан аспайтын температураға дейін салқындатқаннан кейін аскорбин қышқылының ерітіндісі салынады. Ал кисельді +30 +35 градусқа дейін салқындатқан кезде қосып, содан кейін араластырады. Витаминделген тағамдар жылытылмайды», - деді Денсаулық сақтау министрлігі.

Азық - түлік өнімдерін дәрумендермен байыту үшін дәрумендер қолданылады; мультивитаминді және дәруменді қоспалар; К-каротин мен басқа да каротиноидтардың суда және майда еритін препараттары қосылады.

Тақырыпқа байланысты оқу:: ЕАЭО-да өнімнің қауіпсіз еместігі туралы хабарлайтын жүйе құрылады

Фортификациялау үшін пайдаланылатын барлық тағамдық және биологиялық белсенді заттар сәйкестік туралы тексерістен өтуі тиіс. Байытылған өнімдегі 100 мл, 100 грамм немесе бір реттік порциядағы әрбір тағамдық немесе биологиялық белсенді заттың құрамы тәуліктік тұтыну деңгейінің кемінде 5% - ын құрауы тиіс.

Бұл ретте өндіруші өнімдегі микронутриенттердің кепілдендірілген құрамын, оның сапасы мен қауіпсіздігін қамтамасыз ететін қаптаманы пайдалануы тиіс.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.