Гүлмира Исаева ҰАҒБО-ны басқарады

Ауыл шаруашылығының бұрынғы вице-министрі Гүлмира Исаева Ұлттық аграрлық ғылыми білім беру орталығының басқарма төрағасы болып тағайындалды. Ол жаңа қызметінде 11 қаңтардан бастап жұмыс істейді.

ҰАҒБО-да бұл тағайындау туралы әлі ресми хабарландыру жасалған жоқ, бірақ Гүлмира Исаева, бөлім бастығы ретінде, кездесулердің бірінде сөйледі. 25 қаңтарда «Астана» телеарнасында ҰАҒБО қызметі туралы «Нұр Отан» партиясының бақылау комитетінің отырысы жайлы репортаж көрсетілді. Журналистердің хабарлауынша, бұған партия мүшелерінің ұйым басшылығына қатысты бірнеше рет шағым түсірулері  себеп болған.

Партиялық бақылау комитетінің мүшесі Мирас Шекенов мәлімдегендей, еншілес компаниялардың өкілдері басшылық тарапынан жасалатын қысым туралы айтты, олар кенеттен тексерулер жасайды,  жұмыстарына араласатындығын айтып, шағымданды. Мысалы, шығындар ды көрсетпей, компаниялар өздерінің қаржылық есептерінде тек жақсы жақтары туралы есеп беруі керек екендігін жеткізді.

Айтылған талаптарға Гүлмира Исаева кездесу барысында жауап берді.

«Тиісті шешімдер қабылданып, бірінші басшы - Рахымбеков Төлеутай және бірінші орынбасар да қызметінен босатылды, сонымен бірге жиналысқа қатысып отырған департамент директоры - Шайжановқа сөгіс жарияланды. Сондай-ақ Есеп комитеті анықтаған заң бұзушылықтар үшін 5 еншілес компанияның басшылары бөлінген қаражатты игермегені үшін жазаланды», - деді ол.

Тақырыпқа байланысты оқу: Күрішбаев Қазақстандағы АӨК-ке субсидия бөлудің тиімсіздігі жайлы айтты

Сонымен қатар, кездесу барысында ҰАҒБОға қарайтын ұйымдарға тиесілі жер учаскелерін алып қою туралы мәселе көтерілді. Кейбір әкімдіктер негізсіз себептермен оларды ауыл шаруашылық мақсатындағы жерлер санатынан шығарып, жеке меншікке сататын көрінеді. Ал ҰАҒБО немесе Ауыл шаруашылығы министрлігі басшылығы өз жерлерін қорғау үшін әлі ешқандай  шара қолданбай отыр.  

Еске салайық, Гүлмира Исаева 22 қазан күні ауыл шаруашылығы вице-министрі қызметінен босатылған болатын.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.