ҚР-да АӨК-ке 5 жылда 4 трлн теңгеден астам инвестиция салу жоспарланып отыр

Қазақстанда 2026 жылға дейін агроөнеркәсіптік кешенді дамытуға құны 4 трлн теңгеден асатын 380 инвестициялық жобаны кезең-кезеңімен жүзеге асыру жоспарланып отыр. Алдымен 75-80 жобаны  орындау өнеркәсіпте еңбек өнімділігін арттырып, ауылда 500 мыңға дейін жаңа жұмыс орнын ашуға мүмкіндік береді. Бұл туралы бүгін үкімет отырысында премьер-министр Асқар Мамин мәлімдеді.

«2025 жылға қарай агроөнеркәсіптік кешендегі еңбек өнімділігін 2,5 есе және өнімнің экспортын екі есеге арттыру жоспарланып отыр, оның 70% өңдеу саласына тиесілі. Ауыл шаруашылығының жалпы өнімінің көлемі 1,3 есеге ұлғайтылады. Сонымен қатар, 2023 жылға қарай ішкі нарықты негізгі әлеуметтік маңызы бар отандық азық-түлік тауарларымен 100% арналған қамтамасыз етіледі», - деді үкімет басшысы.

Сонымен бірге ол облыс әкімдеріне негізгі өнім түрлеріне бағаны бақылауды күшейтуді, тұрақтандыру қорларын қалыптастыру тәсілдерін қайта қарауды және азық-түлікті форвардтық сатып алу тәсілдерін кеңірек қолдануды тапсырды.

Сондай-ақ, Асқар Мамин биыл агроөнеркәсіптік кешенді дамытудың ұлттық жобасы қабылданатынын атап өтті. Ол шоғырландырылған ұсыныстар әзірлеу үшін фермерлермен жобаны талқылауды тапсырды. Бұл жұмысты наурыз айының соңына дейін аяқтап, Ұлттық жобаның тұжырымдамасын үкіметке ұсыну жоспарланып отыр.

Тақырыпқа байланысты оқуӨндіруші компаниялар шикізат сатып алуға жеңілдетілген несие алады

Сонымен қатар, ветеринарлық және фитосанитарлық қызметті дамыту жүзеге асырылатын болады.

«Тәжірибе көрсеткендей, аталған салада, әсіресе ветеринарлық және фитосанитарлық қызмет саласында мамандар жетіспейді. Ауыл шаруашылығы министрлігіне білім министрлігімен бірге аграрлық ғылым мен білім беруді дамыту, аграрлық жоғары оқу орындарының түлектерін жұмыспен қамту, сондай-ақ агроөнеркәсіптік кешен субъектілерін қамту бойынша ұсыныстар енгізу туралы тапсырма беремін», - деді Премьер-Министр.

Ауыл шаруашылығы министрі Сапархан Омаров хабарлағандай, жоспарланған 380 инвестициялық жобаның 65% -ы импортты алмастыруға бағытталған. Аталған тізімге агроөнеркәсіптік кешеннің экспорттық әлеуетін арттыруға арналған жобалар, соның ішінде мал бордақылау орындары, репродукторлар, жылыжайлар, өсімдік шаруашылығы өнімдерін қайта өңдеу бойынша бірқатар жобалар енгізілген.

АШМ министрлігінің мәліметі бойынша, қазіргі уақытта ішкі нарықты құс етімен қамтамасыз ету 58% ғана, сондықтан да  өндіріс қуатын 171 мың тоннаға арттыру қажет. Өткен жылы қуаттылығы 94 мың тоннаны құрайтын 8 құс фабрикасы пайдалануға берілсе, алдағы үш жылда жалпы қуаттылығы 191 мың тонна болатын тағы 11 құс фабрикасын ашу жоспарланып отыр.

Шұжық өнімдерімен қамтамасыз ету (қазіргі уақытта 62%) қуаттылығы 77,8 мың тонна болатын 6 ет комбинатын енгізу арқылы жақсаратын болады. Сонымен бірге өндірісті қаржыландыру және фермерлердің малды союға өткізуі үшін түрлі шаралар қарастырылған.

Сүт өнімдерімен қамтамасыз ету үшін жылына 35 өндірістік сүт фермасын пайдалануға беру жоспарланған. Өткен жылы жалпы қуаттылығы 98 мың тонна болатын 48 сүт фермасы салынды.

Тақырыпқа байланысты оқуАуыл шаруашылығы министрлігі отбасылық фермаларға қолдау көрсетеді

Қазақстанда халықтың алманы тұтыну мөлшері 344,3 мың тоннаны құрайды, оның ішінде импорт көлемі 144 мың тонна. Ішкі нарықты толықтай қамтамасыз ету үшін 6,6 мың гектар алқапқа жаңа бау-бақша егу жоспарлануда.

Елімізде қант тапшылығы 240 мың тоннаны құрайды немесе сұраныстың жартысынан астамы болады. Алматы облысында қант зауыты салынады, сонымен қатар Жамбыл облысында қуаттылығы 150 мың тонна қант шығаратын жаңа зауыт ашу жоспарлануда.

Балық өнімдерімен қамтамасыз ету үшін (бүгінгі күні 60,8%), қуаттылығы 13,5 мың тонна болатын 8 жоба салынады.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.