Ақтөбелік ауылшаруашылық тауар өндірушілері факторингтік ұйым құруды ұсынуда

Сүт өнімдерін өңдейтін кәсіпорындар тауарларды сауда желілеріне консигнации арқылы жеткізеді. Соның нәтижесінде өндірушілер мен фермерлер айналым қаражатының тапшылығын сезінеді. Бұл туралы «Агрофирма Тау» ЖШС директорының орынбасары Мирбулат Агдаутов Өңірлік кеңестің агроөнеркәсіптік кешені комитетінің отырысы кезінде айтты, деп хабарлады «Атамекен» ұлттық палатасы .

«Сауда желілері жергілікті өндірушілерден сатып алынған өнімге 30-60 күн ішінде қаражат төлейді. Бұл жағдай жеткізушілерге айналым қаражатын тиімді пайдалану мүмкіндігінен айырады. «Агрофирма Тау» ЖШС сүт өнімдерін қайта өңдеу зауыты қуаттылықты жаңарту және кеңейту үшін қарыз алуға мәжбүр, ал сауда желілерінде төленбеген  қаражат көлемі 90 млн теңге. Сауда желілері арқылы қайта өңдеу кәсіпорындарының айналым қаражаттарын алып тастау тізбекті реакцияға әкеліп соқтырады, бұл сүт зауыттарының шикі сүтті жеткізетін фермерлер алдындағы міндеттемелерін уақытында орындауына мүмкіндік бермейді, оларға көктемгі дала жұмыстарына және басқа шығындарға қаражат қажет. Мұның бәрі жеткізу тізбегіндегі тепе-теңдіктің бұзылуына әкеліп соқтырады », - деді Мирбулат Агдаутов.

Ол факторингтік ұйым құру арқылы отандық ауылшаруашылық тауар өндірушілерін қолдаудың жаңа құралын енгізу мүмкіндігін қарастыруды ұсынды.

«Факторингтік операцияларды ұсыну бөлшек сауда желілеріне кейінге қалдырылған төлемдер мәселесін шешуге мүмкіндік береді және ең бастысы, ауыл шаруашылығы тауар өндірушілері жеткізілген дайын өнім үшін төлемді барынша тез алатын болады. Біз «Ақтөбе» ӘКК» АҚ –ты факторингтік ұйымын ретінде ұсынамыз, оның бүгінгі күні аймақта тұрақтандыру қоры аясында бөлшек сауда желілері және ауылшаруашылық тауар өндірушілерімен өзара әрекеттесу тәжірибесі бар, сонымен қатар пайдалану үшін заңнамалық негіз бар отандық өндірушілерді қолдауға арналған бюджеттік қаражаты да бар», - деді Мирбулат. Агдаутов.

Кепіл ретінде ол жеткізілген тауарлар үшін дебиторлық қарызды пайдалануды ұсынды.

Тақырыпқа байланысты оқу: Сүт өнірушілер ет сатушыларға қалай кедергі болуда

Облыс әкімінің орынбасары Жақсығали Иманқұлов ауыл шаруашылығы тауарларын өндірушілердің де, сауда желілерінің де қаржылық қиындықтары бар екендігін растады.

«Ауыл шаруашылығы және кәсіпкерлік бөлімдеріне азық-түлік тауарларының әлеуметтік маңызы бар тізіміне сәйкес өнім шығаратын қайта өңдеу кәсіпорындарының барлық пулын жинау тапсырылады. Тауарлар партиясының мерзімдерін қысқарту үшін бөлшек сауда орындарымен жұмыс жасау қажет екендігі ескертілді және бұл жұмысты жергілікті атқарушы органдар реттеуі керек екендігі айтылды. Факторинг схемасын әрі қарай зерттеу қажет, барлық тәуекелдер бағаланады, содан кейін облыстық әкімдікке жобаны қаржыландыру туралы ұсыныс беріледі», - деді әкімнің орынбасары.

Өз кезегінде, Кәсіпкерлер палатасы АӨК комитетінің төрағасы Марат Итеғұлов бұл механизмді «Агрофирма Тау» ЖШС негізінде сынақтан өткізуді ұсынды, ол барлық кемшіліктер мен қателіктерді анықтауға мүмкіндік беретіндігін жеткізді, ал келешекте бұл жобаны басқа әлеуметтік маңызы бар тамақ өнімдерін шығаратын өңдеуші кәсіпорындарға қолдануды ұсынды.