Қазақстанда азық-түлік тауарларының бағасы 10%-ға қымбаттады

Қазақстанда азық-түлік тауарларының жылдық бағасы 10,4% - ға өсті. Бұл туралы бүгін Үкімет отырысында Ұлттық банк төрағасы Ерболат Досаев мәлімдеді.

«Елде  карантиндік шараларды енгізу нәтижесінде импорттың шектеулі болу және  ұсыныстың жеткіліксіздігінен азық-түлік тауарларының бағасы бір айдағы өсуі 1,9%-ды құрады, жылдық өсім 10,4%-ға дейін артты» — деді Досаев.

 Бұл көрсеткіш 2017 жылдан бері ең жоғары сан екенін атап өтті. Ағымдағы жылғы сәуірде жемістер мен көкөністер 5,6%-ға, қант  6,2%-ға және жарма — 3,4%-ға қымбаттады.

Премьер-министрдің бірінші орынбасары Қаржы министрі Әлихан Смайылов нақтыланған республикалық бюджетте дағдарысқа қарсы шараларға қосымша 1,1 трлн теңге қарастырылғанын хабарлады. Осы ақшанң 70% жергілікті бюджеттерге «Еңбек», мемлекеттік бағдарламасы шеңберінде кәсіпкерлердің жобаларын, «Ауыл ел бесігі», жобасын, Бизнестің жол картасы, агроөнеркәсіптік кешенді субсидиялау жобаларын қаржыландыруға және кепілдендіруге бағытталатын болады.

«Барлық қажетті бюджеттік рәсімдер жүзеге асырылды. Мемлекеттік сатып алу жеңілдетілген рәсімдер арқылы жүзеге асырылады. Бұл қаражатты игеру ерекше бақылауға алынатын болады», — деді Смайылов.

Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.