Шығыс Қазақстан облысы егіс алқаптары өзгертілетін болады

Биыл Шығыс Қазақстан облысында майлы дақылдарды өңдейтін екі ірі зауытты іске қосу жоспарланған. Соған байланысты облыста алқаптарда егілетін  дақылдардың түрін өзгерту бағдарламасы жасалады. Бұл туралы облыс әкімі Даниал Ахметов мәлімдеді.

Аймақ басшысы Глубокое ауданының Веселовское ауылындағы шаруа қожалығының күнбағыс алқаптарында болды. Шаруа қожалығының жетекшісі Тимур Вишитаевпен әңгімесінде ол күніне 1000 тонна шикізат өңдейтін  екі май өңдейтін зауыт ашылатындығы туралы хабарланды. Олардың бірі Семейде орналасқан, осы жылдың қараша айында іске қосылады.

«Қазірден бастап біз, фермерлермен бірге бағдарлама дайындаймыз және келесі жылы Шығыс Қазақстан облысындағы егіс алқаптарының құрылымын түбегейлі өзгертуіміз керек. Бір жыл ішінде майлы дақылдарды қайта өңдеу зауыттары шикізатқа арналған қуаттылықты екі есеге арттырады. Осының бәрін өзгерту үшін уақыт жеткілікті», - деді Д.Ахметов.

Егіс алқаптарын аралағаннан кейін облыс әкімі Instagram бетінде  ерте көктемнен егін себу жұмыстары басталғанын, қазірдің өзінде күнбағыс бой көтеріп өсіп, піскені жайлы жазды. Шаруашылықта барлық қажетті жабдықтар бар екендігін хабарлады.

Ауыл шаруашылығын одан әрі дамыту туралы сөз қозғағанда, Даниал Ахметов қазіргі заманғы технологияларды зерттейтін және енгізетін Тимур Виситаев сияқты жас аграршыларға сенім арту керектігін айтты.

«Бұл, менің ойымша, жас аграршылардың буыны, олар қазіргі кезде мүлдем қайталанбас керемет жұмыстар жасауда. Бұл күнбағыстың, бидайдың жаңа сұрыптары және жаңа жабдықтар. Ауыл шаруашылығына мүлдем жаңа көзқарас. Бұл жағдайда бәрі тиімді көшбасшылардың басқаруымен шешіледі. Сондықтан мұндай көшбасшылар - аграрлық сектордың болашағы, біз оларға үлкен мән беріп, қолдауымыз керек», - деді әкім.

 

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.