Астық одағы майлы дақылдарды экспорттауға салынған тыйымға қарсы

Қазақстанның астық одағы (ҚАО) осы аптада «Атамекен» ұлттық палатасында майға байланысты  мәселелерді талқылау кезінде майлы дақылдарды экспорттауға тыйым салуға қарсы болды. Бұл туралы Одақ қызметкерлері хабарлады.

Май шығаратын кейбір отандық кәсіпорындарды қамтамасыз ету мақсатында майлы дақылдардың экспортына тыйым салуға немесе баж салығын енгізуге қарсы екендіктерін айтты. Өз кезегінде ҚАО сарапшылары бұл саланы қолдауды ауыл шаруашылық тауар өндірушілері есебінен жасаудың қажет емес екенін атап өтті.

«Құрамына шикізат өндірушілері мен оны өңдеушілер кіретін Қазақстанның астық одағы қайта өңдеу өнімдерін дайындауды да, экспорттауды да қарастырады, сондай-ақ оған мемлекеттік қолдау көрсетіп, шикізат экспортын ынталандырады. Нарықтық емес тетіктердің кез-келген түріне, тыйым салуларға, шектеулер мен міндеттерге үзілді-кесілді қарсы», - деп мәлімдеді аталған Одақ.

Астық одағы сарапшыларының пікірінше, шектеулерді енгізу майлы дақылдардың ішкі бағасының төмендеуіне әкеледі және соған қарай фермерлердің табысы да айтарлықтай төмендейді. Өз кезегінде бұл келесі маусымда майлы дақылдар егілетін алқаптардың барынша азаюына себеп болады және отандық шикізаттың жетіспеушілігімен жалғасады.

ҚАО мәліметінше, Атамекен мен Ауыл шаруашылығы министрлігі астық одағының экспорттық шектеулердің қауіпті іс шара екендігінқолдайды. Сонымен бірге, Қазақстан Республикасында отандық қайта өңдеу кәсіпорындарының жұмыс істеуіне бағытталған басқа тәсілдер де қарастырылуда екенін жеткізді. Атап айтқанда, Ауыл шаруашылығы министрлігі мемлекеттік органдармен келісу үшін майлы дақылдарды жеткізуге субсидия беруді көздейтін ережелерге өзгерістер енгізді.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.