Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Түркістан облысының диқандары Белоруссияға 500 тонна қырыққабат жібереді
18 мая 2020
Кәсіпкер Хусейн Бабуров түркістандық дихандардан 500 тонна қырыққабат сатып алды. Ол алғашқы 200 тонна қырыққабатты жүк көліктеріне тиеп, Белоруссияға аттандырды.
Бұл ақпаратты Түркістан облысының Аймақтық байланыс қызметі хабарлады.
Күн сайын жүк көліктеріне 40-60 тонна көкөніс тиеледі. Аталған жүк Белоруссияға бес күн ішінде жеткізіледі.
Фермер Амантай Сарыбаевтың айтуынша, көкөністі тракторға тиеу жұмыстары мен жұмысшыларға жалақы төлеуді есептегенде 1 гектарға кететін шығын көлемі 1 млн теңгені құрайды. Шетелге шығатын жүк көліктерінің құны 1600 долларды құрайды. Қырыққабатты жинап, көліктерге тиейтін жұмысшылардың күнделікті жалақысы 3000-нан 7000 теңгеге дейін болады.
«Әрине, биылғы жылғы табыс көлемі өткен жылмен салыстырғанда төмен. Алайда бұл ақшаға да қанағат дейміз», — деді фермерлер.
Баспасөз қызметі жүк көлігінің жүргізушілері шекараны еш кедергісіз кесіп өтетінін атап өтті. Жалпы, биыл Түркістан облысында 300 мың тонна қырыққабат өндіру жоспарланған, оның 250 мың тоннасы экспортталады, ал 50 мың тоннасы ішкі нарықта сатылатын болады.
Бұған дейін түркістанда өсірілген қырыққабаттар аймақтарға таратылады деп хабарланған еді.
Сәуір айның ортасында Қазақстанның оңтүстігіндегі фермерлер егістіктердегі қырыққабат өніміне сұраныс болмай, бұзылып жатқандығын хабарлаған еді. Түркістан облысының әкімі Өмірзақ Шөкеев ел үкіметінің отырысында қарыққабат мәселесін көтеріп, көмек сұраған еді.
Содан кейін айтылған қатаң сыннан соң, Қазақстанның Ауыл шаруашылығы министрлігі қырыққабат экспортына салынған шектеулер 14 сәуірден бастап толығымен алынып тасталғанын түсіндірді, бірақ карантин енгізілуіне байланысты сыртқы және ішкі нарықта қазақстандық қырыққабатқа сұраныс күрт төмендеді, деп мәлімдеген болатын.
