Бәйтерек ауыл шаруашылығы техникасының жеңілдетілген лизингін іске қосты

Фото көзі: ElDala.kz

"Бәйтерек" холдингі ауыл шаруашылығы техникасын жеңілдікпен лизингке беру бағдарламасын іске қосты. Оны іске асыруға 40 млрд теңге бөлінеді, оның 30 млрд теңгесін өнеркәсіпті дамыту қоры "Жасыл Даму" АҚ (РОП Операторы) қаражатынан тартады және 10 млрд теңгесін капитал нарықтарынан ҚазАгроҚаржы тартады. Бұл туралы "Бәйтеректе" хабарлады.

Бағдарламаға қатысуға өтінімдерді қабылдау 5 тамызда ҚазАгроҚаржы-ның барлық филиалдарында басталады.

Ауыл шаруашылығы техникасы келесі шарттарда лизингке берілетін болады:

• лизинг мерзімі - 10 жылға дейін;
• сыйақы мөлшерлемесі - жылдық 6% ;
• лизинг бойынша бастапқы жарна (аванс) – лизинг затының құнынан 0%;
• негізгі қарызды қайтару бойынша жеңілдікті кезең - 1 жыл;
• қаржыландыру сомасы - 205 млн теңгеден артық емес және бір лизинг алушыға үш бірлік ауыл шаруашылығы техникасынан артық емес.

Холдингте сондай-ақ бір лизинг алушыға қаржыландыру екі жылдық кезең ішінде бір реттен артық берілмейтінін атап өтті.

Бағдарламаға отандық өндірістің өздігінен жүретін ауыл шаруашылығы техникасы қатысатын болады:

• LOVOL, DEUTZ FAHR, TURAN, КИРОВЕЦ, БЕЛАРУС, RSM, YTO, CLAAS XERION " DONG FENG, WUZHENG маркаларының тракторлары
• ESSIL, VECTOR, ACROS, TORUM, CLAAS TRION, DEUTZ FAHR маркалы астық жинайтын (күріш жинайтын) комбайндар;
• сүрлем жинайтын комбайндар: жемшөп жинайтын өнімділігі жоғары комбайн (КВК), жемшөп жинайтын өзі жүретін комбайн (КСК).

Ауыл шаруашылығы техникасын өндірушілер тізіміне: АгромашХолдинг KZ, Қостанай трактор зауыты, Қазақстандық Агро Инновациялық Корпорация, СемАЗ, ЧК Kazrost Engineering Ltd, СТ ЭСЭМБЛИ, KazKioti, МТЗ-Қазақстан машина жасау зауыты кіреді.

"Ауыл шаруашылығы техникасын жеңілдікпен лизинг бағдарламасы шеңберінде қаржыландыру револьверлік сипатқа ие болады, яғни қолданыстағы лизингті өтеуден түсетін төлемдер жаңа қаржы лизингі шарттарын жасасу үшін қайтадан жіберілетін болады. Бағдарламаның өзі 20 жылға есептелген", - деп хабарлады Бәйтеректе.