ҚДБ ауылшаруашылық техникаларын 2,7 млрд.теңгеге лизингке беру бойынша жобаларды қарастыруда

Қазақстанның Даму Банкінің еншілес кәсіпорны – «ҚДБ-Лизинг» ауылшаруашылық техникалары паркін жаңарту жобаларын қаржыландыруға кірісті. Қазіргі уақытта жалпы сомасы 62 миллион теңгеге 9 жобаны қаржыландыру ісін бастады. Бұл туралы бүгін «Бәйтерек» ұлттық басқарушы холдингі «АҚ басқарма төрағасы Айдар Арифханов тікелей эфирде мәлімдеді.

«Бұған дейін біз «ҚДБ-Лизинг» Қазақстан үкіметі жүргізіп отырған дағдарысқа қарсы саясат аясында отандық өндірістің ауылшаруашылық техникаларын сатып алуға арнайы ұсыныс бергендігі туралы хабарлаған болатынбыз. Компания фермерлерге алдын-ала төлемсіз қаржыландыру мүмкіндігі бар ауылшаруашылық техникаларын - комбайндарды, тракторларды сатып алу бойынша қызмет көрсетеді, ал бұрын бастапқы төлем міндетті болып табылған», - деді А.Арифханов.

Сондай-ақ, оның айтуынша, жаңа лизинг бағдарламасы бойынша номиналды сыйақы мөлшерлемесі жылдық 7%-дан 6% -ға дейін төмендетілді және негізгі қарызды кемінде бір жылда өтеу үшін жеңілдікпен мерзім қарастырылған.

«Бағдарлама 30% -ға фермерлердің паркін жаңартуға мүмкіндік береді, себебі техникалардың 76%-ы ескірді. Қазіргі уақытта 62 млн. теңгенің 9 жобасы қаржыландырылуда, жалпы құны 2,7 млрд. теңгеден асатын 22 жоба қарастырылуда», - деді «Бәйтерек» холдингінің басшысы.

Бұған дейін биыл республикалық бюджеттен тракторлар мен комбайндарды лизингке алу үшін биыл 6,5 млрд теңге бөлінгендігі хабарланған болатын.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.