Доллар курсының көтерілуі аграршыларға 2020 жылы ауыл шаруашылығы техникасын сатып алуға кедергі келтіреді ― пікір

Қызылордалық еңбеккерлер елдегі доллар курсының көтерілуі аграршыларға 2020 жылы ауыл шаруашылығы техникасын сатып алуға кедергі келтіреді және мұндай жағдайда мемлекет тарапынан көмек болар деп үміттенеді, деп жазды «КазахЗерно.kz».

«Ақжарма» (Сырдария ауданы) ауыл шаруашылығы кәсіпорнының директоры Марат Бисеновтың пікірінше, фермерлердің көпшілігі ескі техникаларын пайдаланатын болады.

 «Доллар мен еуро  бағамы өзгеріп тұр, ал біз техниканы  шетел валютасымен сатып аламыз. Бүгінде Халық банкінде еуроның курсы  440 теңгеге жетті. Мұндай қымбатшылық кезінде, бұрынғы бар техниканы қолдануға тура келеді деп ойлаймын», -дейді Марат Бисенов.

Сонымен қатар,  «Таң» ауыл шаруашылығы кәсіпорнының директоры Имамзады Шағыртаевтың пікірінше, мемлекет бұл мәселеде қолдау көрсетеді деген үміттері бар.

«Техникаға  ақша жұмсалғанымен, өнімнен пайда тауып, шығынның орнын толтыруға болады. Біз қызылордалық банктердің көптеген филиалдарында болдық, барлық жерде доллар 438 теңгеден кем емес. Мұндай курс бойынша  қарапайым трактордың бағасы 15 млн теңгеден асатын болады. Бірақ 7% үстемені мемлекет қайтаратынына үміттенеміз, өйткені біз техниканы ҚазАгроҚаржы арқылы сатып аламыз» - деді фермер.

2020 жылы Қызылорда диқандары 7 млрд теңгеге жуық ауыл шаруашылығы техникасын сатып алды.

 Жыл сайын техника жаңа агрегаттармен, заманауи, жаңартылған модельдермен толықтырылып отырады. Олардың бағасы шетел валютасының өзгеруіне  байланысты өсуде. Соңғы үлгідегі комбайндардың құны 150 млн теңгеден асады. Одан да жоғары қымбаттауы мүмкін.

Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.