Valmont компаниясымен келісімді іске асыруға Қазақстан 77,2 млрд теңге бөледі

Су үнемдеу технологияларын қолдана отырып (тамшылатып суару, жаңбырлатып суару) жер көлемін 2026 жылға қарай 2 есеге, 450 мың гектарға дейін ұлғайту жоспарланып отыр. Атап айтқанда, ҚР Үкіметі мен Valmont Industries, Inc американдық компаниясының демонстрациялық фермалар желісін құру және қазіргі заманғы суару жүйелерін өндіру және ауыл шаруашылығы дақылдарының шығымдылығын басқару жөніндегі зауыт салу туралы инвестициялық келісімін іске асыру ықпал ететін болады. Бұл туралы Сенат депутаттарының сауалына жауап бере отырып, ҚР премьер-министрі Асқар Мамин хабарлады.

"Аталған инвестициялық келісімді іске асыру үшін АӨК дамытудың 2021-2025 жылдарға арналған ұлттық жобасы шеңберінде инфрақұрылымды жүргізу үшін суару қондырғыларын және құрылыс-монтаждау жұмыстарын сатып алуды қаржыландыру үшін бюджеттік кредиттеуге қаражат бөлу жоспарлануда. Осы мақсаттарға алдағы 5 жылда республикалық бюджеттен шамамен 77,2 млрд теңге бөлу жоспарланып отыр", - деп хабарлады премьер-министр.

Оның айтуынша, жобаны іске асыру су үнемдеу технологияларын қолдану алаңын ұлғайтуға, суармалы суды 30%-ға үнемдеуді қамтамасыз етуге, сол арқылы суармалы жерлердің өнімділігін 1,5-3 есеге арттыруға мүмкіндік береді.

Тақырып бойынша оқу: ҚазҰАУ шаруашылығы базасында Valley демонстрациялық алаңы құрылады

ҚР-да су үнемдеу технологияларын енгізу кезінде ауыл шаруашылығы өндірушілерін қолдау үшін инвестициялық субсидиялау қолданылады, онда қазіргі заманғы суару жүйелерін сатып алуға және қажетті инфрақұрылымды жеткізуге жұмсалған шығындардың 50% өтеу көзделеді.

Сондай-ақ, Асқар Мамин қазіргі уақытта ауыл шаруашылығы өндірушілеріне су беру қызметтерінің құнын субсидиялау қағидаларына өзгерістер енгізу мәселесі пысықталып жатқанын хабарлады. Субсидиялар суарудың озық әдістерін қолдануды ынталандыру үшін суару әдістеріне байланысты сараланып төленеді.

Тақырып бойынша оқу: Су үнемдейтін технологиясыз шаруашылықтар үшін суаруға субсидиялар азаяды

Сонымен қатар, суармалы жерлерді айналымға енгізу жұмыстары жүргізілуде. Үкімет облыстардың әкімдіктерімен бірлесіп, республиканың оңтүстігіндегі ескі суару жүйелерін реконструкциялау жөніндегі жобаларды іске асыруда, олар суды дұрыс реттеу мен бөлу есебінен су тұтынуды және өнімсіз ысырапты азайтуға мүмкіндік береді. Сондай-ақ, қазіргі уақытта суармалы су тапшылығы сезіліп отырған республиканың барлық өңірлерінде жаңа суару жүйелері мен су қоймаларын салу жоспарлануда.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.