ҚДБ-Лизинг отандық ауыл шаруашылық техникасын сатып алу бағдарламасын жасады

Қазақстан Үкіметі дағдарысқа қарсы саясат аясында «ҚДБ-Лизинг» компаниясы отандық өндірістің ауыл шаруашылығы техникасын сатып алу туралы ұсынысты  жүзеге асыруда деп хабарланды. Бұл туралы «Қазақпарат» мәлімдеді.

Тақырыпты оқу: Коронавирустың әсері :АӨК үшін оның зардаптары (жаңарып тұрады)

Аталған бағдарлама аясында «ҚДБ-Лизинг» аграршыларға отандық ауыл шаруашылығы техникасын (астық жинау комбайндары мен тракторлар) сатып алуға өз қызметтерін ұсынатын болады:

  •  бастапқы жарнасыз, бұрын аванстық төлем 15% болған;
  •  номиналды сыйақы мөлшерлемесі 6%-ға дейін төмендетілді;
  • негізгі қарызды төлеу бойынша 1 жылдан кем емес жеңілдікті кезең ұсынылады;
  • барлық құжаттар онлайн қабылданады.

Сонымен қатар, төлемдерді төлеу мерзімін өткізіп алғаны үшін тұрақсыздық айыбын (айыппұл, өсімпұл) алмау туралы шешім қабылданды. Сондай-ақ лизинг алушылардың өтініштері бойынша төлемдердің мерзімін ауыстыру туралы ұсыныстар қарала басталды, олар жеке-жеке қаралатын болады.

Ел үкіметінің тапсырмасы бойынша, дайындалған бұл шаралар шағын және орта бизнес субъектілерін қолдауға, отандық өндірістегі штаттық жұмыс режимін сақтауға бағытталған. Хабарламада айтылғандай, бағдарлама аграршылардың өз техникаларын  жаңартуды 30% - ға арттыруға мүмкіндік береді, елдегі техниканың 76% - ы ескірген.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.