Қазақстанда 26,6 млн тонна астық бастырылды

Фото көзі: ElDala.kz

Қазақстанда дәнді және дәнді-бұршақты дақылдарды жинау 99,8%-ға аяқталды. Орташа өнімділігі гектардан 16ц құрайды, 26,6 млн тонна астық бастырылды. Майлы дақылдар 2,4 млн га алқапта жиналды (егін жинау алаңының 83,1%). Май тұқымдарының жалпы өнімі 2,7 млн тоннаны құрайды, орташа өнімділігі гектардан 11 ц, деп хабарлады Үкіметтің баспасөз қызметінде.

Егін жинау науқанының барысы жедел штабтың кезекті отырысында қаралды. Биылғы қыркүйек-қазан айларында теміржолмен 2,2 млн тонна жаңа астық тасымалданғаны атап өтілді, бұл өткен жылдың осы кезеңімен салыстырғанда 42%-ға артық. Экспортқа 1,8 млн тонна жөнелтілді (2023 жылдың екі айына +48%).

Үкіметтің мәліметінше, Ресей арқылы тасымалдау шектеусіз жүреді. Қазақстандық астықтың РФ бағытына экспорты екі айда 43 мың тоннаны, РФ арқылы транзитпен – 104 мың тоннаны құрады. Ақтау порты арқылы Иранға қарай астық белсенді жөнелтіледі: қыркүйек-қазан айларында 249 мың тонна. Орталық Азияның дәстүрлі нарықтарында жаңа егінді тасымалдау өткен жылмен салыстырғанда 36%-ға ұлғайды және қазірдің өзінде 1,036 млн тоннаны құрады.

Жедел штаб отырысында жекелеген фермерлердің астықты элеваторларға тапсыра алмайтындығы туралы шағымдары да қаралды. Республика бойынша астықты сақтаудың жалпы сыйымдылығы 30 млн тоннаны құрайды, лицензияланған элеваторлар 42%-ға жүктелген, бос көлемі 7,6 млн тоннаны құрайды. Осылайша, елдің негізгі астық егетін аймақтарында жаңа егінді үздіксіз қабылдау мүмкіндігі бар. Вице-премьер Серік Жұманғарин Ауыл шаруашылығы министрлігіне және Қостанай, Ақмола, Солтүстік Қазақстан және Павлодар облыстарының әкімдіктеріне барлық туындайтын мәселелер бойынша жедел байланыс үшін нақты тұлғаларды көрсете отырып, бұл ақпаратты фермерлерге жеткізуді тапсырды.

«Қазақстан әлемдегі ең ірі астық экспорттаушылардың ондығына кіреді. Біз барлық егінді жинадық, енді оны экспортқа шығарып, фермерлерге астықты кепілді сатуға көмектесу керек», — деп қорытындылады оперштаб отырысын Серік Жұманғарин.