ҚТЖ жаңадан жиналған астықты тасымалдауға дайындалуда

«Қазақстан темір жолы» ұлттық компаниясы астық тасымалдауды ұйымдастыратын  штабтың жұмысын жоспарлауда. Сонымен қатар COVID-19 пандемиясына байланысты туындаған шектеулерді жедел шешу үшін саудагерлермен кездесулер өткізуде. Бұл туралы ҚТЖ-жүк тасымалдау компаниясының баспасөз қызметінен хабарлады.

Компанияның хабарлауынша, 1 қазаннан бастап ҚТЖ ҰК-та астық және ұн өнімдерін жыл сайын тасымалдауды ұйымдастыру жөніндегі штаб жұмысын бастайды. Оның құрамына Ауыл шаруашылығы министрлігінің, Азық-түлік келісім шарт корпорациясының, Мемлекеттік кірістер комитетінің, Ұлттық экспедиторлар қауымдастығының, Астық өңдеушілер одағының, Қазақстан астық одағының өкілдері, ҚТЖ- жүк тасымалы, Қазтеміртранс, Астық Транс, KTZ Express басшылары кіреді. Штаб астық науқанын үйлестіруді жалпы бақылауды жүзеге асырады.

Сондай-ақ, «ҚТЖ-жүк тасымалы» ЖШС-да астық және ұн өнімдерін тасымалдауды ұйымдастыру бойынша жедел штаб құрылады. Аталған штаб туындаған мәселелерді жедел шешеді, жүктерді Орталық Азия елдеріне бағыттау жұмыстарын үйлестіреді және жүк жөнелтушілермен және жүк алушылармен өзара жұмыстар атқарады.

Сонымен қатар, вагондарды уақытында қабылдау және тіркеу үшін Ақмола, Қостанай және Маңғыстау жол бөлімшелерінде жедел жұмыс істейтін топтардың жұмысы ұйымдастырылады.

Қазақстанда 17 мыңнан астам жабық вагон бар, оның ішінде 8 мың бірлікті «Қазтеміртранс» басқарады. Астық тасымалдаушылардың вагоны шамамен 10 мың бірлікті құрайды, жылжымалы құрамның жартысынан көбін «Қазтеміртранс» басқарады.

Баспасөз қызметі қазіргі эпидемиологиялық жағдайды ескере отырып, ұлттық тасымалдаушының бастамасымен дәнді дақылдардың негізгі жүк жөнелтушілерінің, мүдделі министрліктер мен ведомстволардың өкілдерімен онлайн кездесулер ұйымдастырылып жатқанын, онда жаңа науқанның астығын тасымалдау мәселелері талқыланатынын атап өтті.

Компанияның мәліметтері бойынша, 2020 жылдың сегіз айында теміржол көлігімен 5,2 млн тонна астық тасымалданды, оның ішінде 1,4 млн тонна Қазақстанның ішкі жеткізілімдері. Диірменнен шыққан 1,6 миллион тонна өнім тасымалданды, оның 1 миллион тоннадан астамы экспортталды. 8 айда 437 вагон жөнелтілді. Дұрыс ұйымдастырылған бағыт астық тасымалдау уақытын және шығындарын азайтуға мүмкіндік береді.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.