Қазақстанда астыққа экспорттық баждарды енгізу тағы да талқылануда

Фото көзі: ElDala.kz

Қазақстанның мемлекеттік органдары дәнді және майлы дақылдарға экспорттық кедендік баждарды енгізу мәселесіне қайта оралды. Бұл туралы Қазақстанның Астық одағының талдау комитетінің басшысы Евгений Карабанов мәлімдеді.

Сарапшының айтуынша, қазіргі уақытта бидай, арпа, майлы зығыр тұқымдары мен рапс тұқымдарына экспорттық баж салығын енгізу мәселесі қарастырылуда.

Айта кетейік, Қаржы министрлігінің мұндай соңғы бастамасы ағымдағы жылдың көктемінде талқыланды. Дәнді дақылдарға экспорттық бажды тоннасына 30 доллар, ал майлы дақылдарға - кедендік құнының 20%, бірақ тоннасына кемінде 50 еуро мөлшерінде енгізу ұсынылды. Баж салығын енгізу қажеттілігі ішкі қайта өңдеуді дамытуды қолдау және бюджеттің кіріс бөлігін толықтыру арқылы негізделді. АӨК салалық одақтары бұл бастаманы қолдамады.

Евгений Карабанов Қазақстанның астық нарығындағы баға жағдайы туралы да айтты. Ел ішіндегі бидай бағасы егін жинау жұмыстары басталып, жаңа өнім түскеннен кейін төмендей береді. Өткен аптада 23-24, 25-26 желімшесі бар 3-сыныпты бидайдың, сондай-ақ 4 және 5-сыныпты бидайдың бағасы тоннасына 2 мың теңгеге төмендеді. 27, 28-29 және 30+ желімшесіі бар 3-сыныпты бидай бағасы тоннасына 3 мың теңгеге арзандады.

Экспорттық бағалар да төмендейді, өйткені қазақстандық астық арзан ресейлік бидайдың ұсыныстары тарапынан қысымға ұшырайды.

Евгений Карабановтың айтуынша, астықты экспортқа жөнелту қарқыны күшейген, алайда сатып алушылар тұрақсыз нарықта астықтың үлкен көлемін сатып алуға сақтықпен қарайды.

«Ресейдің оңтүстігі мен Еділ бойындағы мол өнім, Қара теңіздегі шиеленістің күшеюі және рубль бағамының әлсіреуі аясында ресейлік бидайдың бағасы төмендеуін жалғастыруда, сонымен қатар Қазақстан мен Орталық Азия елдерінің нарықтарында ресейлік бидайды сату ұсыныстары артып келеді. Ресей Федерациясынан бидай Қазақстанға да, Орталық Азия елдеріне де келе бастады», - деді Евгений Карабанов.

Қазақстанның Астық одағының талдау комитетінің деректері бойынша 17-23 тамыз аралығында EXW - элеватор шарттарындағы бағалар (теңге/тонна, 16% ҚҚС қоса алғанда) құрады:

• 3-сыныпты бидай (желімшесі 23-24%) - 90-94 мың (аптасына -2 мың)
• 3-сыныпты бидай (желімшесі 25-26%) - 91-95 мың (-2 мың)
• 3-сыныпты бидай (желімшесі 27%) - 98-102 мың (-3 мың)
• 3-сыныпты бидай (желімшесі 28-29%) - 102-106 мың (-3 мың)
• 3-сыныпты бидай (желімшесі 30+) - 107-112 мың (-3 мың)
• 4-сыныпты бидай - 84-88 мың (-2 мың)
• 5-сыныпты бидай - 80-84 мың (-2 мың)
• жемдік арпа - 60-65 мың (0)
• зығыр тұқымы - 195-200 мың (-5 мың)

Экспорттық бағалар (USD/тонна):

• 3-сыныпты бидай (желімшесі 23-24%) - 250-254 DAP Сарыағаш (-1 бір аптада)
• 3-сыныпты бидай (желімшесі 25-26%) - 254-259 DAP Сарыағаш (-1)
• 3-сыныпты бидай (желімшесі 27%) - 257-261 DAP Сарыағаш (-3)
• 3-сыныпты бидай (желімшесі 28-29%) - 272-276 DAP Сарыағаш (-3)
• 3-сыныпты бидай (желімшесі 30+) - 285-290 DAP Сарыағаш (-5)
• 4-сыныпты бидай - 243-248 DAP Сарыағаш (-2)
• 5-сыныпты бидай - 236-240 DAP Сарыағаш (-2)
• арпа - 185-190 DAP Сарыағаш (-5)
• арпа - 190-195 FOB Ақтау (-5)
• арпа - 190-195 DAP Достық / Алтынкөл(-5)
• DAP Алашанькоу/Қорғас (ақуыз 12+%) жеткізу шарттарында бидай-арпа жемшөп қоспасы (жемдік ұн) - 240-245 USD/t (-5).