ЕАЭО елдері астық және майлы дақылдар экспортын реттеуді қарастырады

В ЕАЭС рассмотрят регулирование экспорта зерна и масличных

Еуразиялық үкіметаралық кеңестің (EҮАК) тапсырмасы бойынша Еуразиялық экономикалық одақ елдерінің үкіметтері ұлттық ерекшеліктер мен халықаралық міндеттемелерді ескере отырып, жекелеген тауарлар экспортын реттеуді қарастыратын болады. Бұл туралы бүгін отырыс қорытындысы бойынша ЕЭК баспасөз қызметінен хабарлады.

ЕАЭО елдеріне экспорттық баж салығын немесе тарифтік емес реттеу шаралары бойынша әкетуге тыйым салу немесе экспорттық квота түрінде қолдану мүмкіндігін қарастыру ұсынылады. Аталған тәсіл келісілген тауарлардың тізбесіне бидай мен меслин, арпа, жүгері, күнбағыс тұқымы, күнбағыс майы және оның фракциялары енген, сондай-ақ басқа да тауарлар кіреді.

«Еуразиялық үкіметаралық кеңес отырысында көптеген елдің нарықтарында қалыптасқан қиын жағдайға назар аудару бойынша одаққа мүше мемлекеттердің ұйымдастырған саясатын қалыптастыру мақсатында тиісті шешім қабылданды. Бұл елдер үкіметтерінің үйлестірілген әрекеттері Одақтың бірыңғай нарығындағы жағдайды тұрақтандыруға және ұлттық шаралардың тиімділігін арттыруға мүмкіндік береді», - деп түсіндірді ЕЭК сауда министрі Андрей Слепнев.

Тақырыпқа байланысты оқу: «Экспортқа тыйым сала берудің қажеті жоқ»

Кеңес отырысы барысында ҚР Премьер-Министрі Асқар Мамин мәлімдегендей, пандемияға байланысты тәуекелде-қиындықтар бұрынғыдан да ұзақ мерзімге созылуы мүмкін. Оның айтуынша, азық-түлік нарығындағы тұрақтылықты қамтамасыз ету, ЕАЭО-ның АӨК өнімдерін өндіру әлеуетін арттыру және оны сыртқы нарыққа шығару бойынша жедел түрде бірлескен шаралар қабылдау өте маңызды, деп хабарлады Премьер-министрдің баспасөз қызметі.

Сондай-ақ Асқар Мамин аталған саладағы қосымша қаржыландыру көздерін қалыптастыруға шақырды.

«Осы міндеттерді жүзеге асыру барысындағы дұрыс тәсілдер макроөңіріміздегі азық-түлік қауіпсіздігін қамтамасыз етуге көмектеседі және еуразиялық кеңістіктегі аса маңызды азық-түлік хабтарының жұмыс істеуіне мүмкіндік береді», - деді ол.