Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Қазақстанда бидай экспортына берілетін квотаны маусым айында алып тастауы мүмкін
27 апреля 2020
АШМ бидай экспортының квотасын мамыр айында көбейткен болатын, бірақ оны маусым айында алып тастау мәселесі қарастырылуда. Бұл ақпаратты Ауыл шаруашылығының бірінші вице-министрі Айдарбек Сапаров хабарлады.
«Биылғы жылдың мамыр айында бидай экспортына берілетін квота 250 мың тонна, ал ұнға берілетін квота-150 мың тонна болды. Өздеріңіз білесіздер бұл көрсеткіш сәуір айында бидай-200 мың тонна, ұн-70 мың тонна болып, екі есеге дейін артқан еді. Маусым айында бұл квотаны алып тастауымыз мүмкін, бұл мәселе қазір талқылануда. Елдің Астық одағы, Ұн өндірушілер қауымдастығы қалай шешетіндігіне байланысты болмақ. Олар қазір сараптама жасап, талқылауда», — деді Сапаров.
Қазақстан жылына орта есеппен 7-8 млн тонна астық пен ұн экспорттайды. АШМ болжамы бойынша, ағымдағы жылы экспорт төмендемеуі тиіс.
«Әзірше квота бөлінуде. Маусым айынан бастап квотаны алып тастаймыз деген жоспар бар. Менің ойымша, астық пен ұн экспорты 8-9 млн тоннаға дейін жетеді», — деп атап өтті бірінші вице-министр.
Айта кетсек, коронавирус инфекциясының таралуына байланысты енгізілген ТЖ режимінде Қазақстандық ұн, жұмсақ бидай, сәбіз, шалқан, қызылша, қырыққабат экспортына квота жарияланған болатын. Кейінірек АШМ елдегі жағдай тұрақты болса, экспортқа берілетін квота көлемі артады деп хабарлаған еді.
