Ақмола облысында ет және сүт өндіретін 100-ден астам ферма салынады

Бүгін ҚР Премьер-Министрі Асқар Мамин Ақмола облысындағы егін егу барысымен танысты және Сандықтау мен Ақкөл аудандарындағы ауылдарда болды. Бұл туралы үкімет басшысының баспасөз қызметі хабарлады.

«Облыста ет фермаларын құру бойынша жобаларды іске асыру басталды, барлығы 7 600 бас ІҚМ сатып алу арқылы 111 ет фермасы салынады. 2400 ірі қара малға арналған 18 сүт фермасын салу жыл сайынғы сүт өндірісін кем дегенде 40 мың тоннаға арттырады», — деді баспасөз қызметі.

Ақмолалық өнім өндірушілер ет пен сүтке деген елордалықтардың қажеттілігінің үштен бірін қамтамасыз етеді, яғни 33% және 34%, ал жұмыртқаның - 94% -ын қанағаттандырады.

Биылғы жылдың соңғы төрт айының қорытындысы бойынша Ақмола облысының ауыл шаруашылығының жалпы өнімі 2019 жылдың осы кезеңімен салыстырғанда 3,5% -ға өсті. Атап айтқанда, өңделген ет өндірісі 22,1% (19 мың тонна), сүт өнімдері 0,4% (26 мың тонна), ұн 29% (122 мың тонна) және өсімдік майы 42,1 % (8 мың тонна) өскен.

Асқар Маминнің аталған өңірге  жасаған сапары барысында  Сандықтау және Ақкөл аудандарының егіс алқаптарымен, жергілікті ауылшаруашылық кәсіпорындарының материалдық-техникалық базасымен, астық және жемшөп дақылдарын өсіру және тазарту жобаларымен, сондай-ақ ет және сүт өнімдерінің өндірісін кеңейтумен танысты.

Баспасөз қызметінің ақпаратына сәйкес, биыл Ақмола облысында көктемгі егіс алаңы 4,9 млн. га болады, оның 4,4 млн. гектарына - дәнді дақылдар  себіледі.Қазіргі уақытта шамамен 581 мың га (жоспардың 13,1%) дәнді және бұршақ дақылдары, 39 мың га майлы дақылдар (15,5%) және 51 мың га жемшөп дақылдары (28,4%) егілді.

«Егін егуді қолайлы мерзімде — 20-25 жұмыс күн ішнде  аяқтау жоспарлануда», — деді баспасөз қызметі.

Егістік жұмыстарға 32 мыңға жуық ауылшаруашылық техникасы қолданылатын болады, яғни — 14 мыңнан астам трактор, 16 мың дән сепкіш, 1250 егіс кешені пайдаланылады. Көктемгі егіс жұмыстарына облыста 68 мың тонна дизель отыны бөлінді, оның бағасы фермерлер үшін  бір литріне 165 теңгеге дейін арзандатылып берілді.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.