Австриядан Қазақстанға симменталь асыл тұқымды бұқалар әкелінді

Австриядан Қазақстанға әкелінген симменталь бұқалар карантинге қойылды. Бұл туралы  «Асыл-Түлік» республикалық мал  өсіру орталығынан хабарлады.

«Асыл-Түлік» асыл тұқымда мал байлау орталығына, пандемия кезінде (20 мамыр 2020 ж.) Австриядан 13-14 айлық 5 бұқа әкелінді. Қазіргі уақытта бұқалар карантиннен өтуде», - деп хабарлады орталық мамандары.

Асыл тұқымды малдардан ұрық тамыз айында алынады деп жоспарланған.

«Аталған орталықтың тәжірибелігінің және жоғары сапалы жабдықтарының арқасында әр бұқадан 90 000-нан 120 000 дозаға дейін 10 жыл мерзімге сақталатын жоғары сапалы ұрық алуға және мұздатуға мүмкіндік болады. Тиісінше, жылына бір бұқадан шамамен 9000 - 12000 доза және бес бұқадан жылпы 45 000 - 60 000 дозаға дейін ұрық жиналады. Қазақстандағы статистикаға сәйкес 01.07.2020 жылы елімізде осы тұқымның 37 000 бас асыл тұқымды аналық малы бар. Бұл малды қолдан ұрықтандыру үшін шамамен 92 000 доза ұрық қажет, сондықтан біздің асыл тұқымды орталық асыл тұқымды малдың ұрығына деген қажеттіліктіің 70% -ын қамтамасыз ете алады», - деді «Асыл-Түлік» орталығының мамандары.

Аталған малдың ұрығының бір дозасының сату бағасы - 1000 теңге.

Мал өсіру орталығының мәліметтері бойынша қазіргі кездегі Симменталь тұқымды малдардың дене тұрқы үлкен, ұзын (шоқтығының биіктігі 135-140 см-ге дейін, қиғаш денесінің ұзындығы 160-165 см). Туған кезде бұзаудың салмағы 36-45 кг құрайды. Ересек сиырлардың салмағы 575-650 кг, бұқалар 900-1200 кг жетеді. Жас малды сойғандағы шығымы 55-60%-ды құрайды. Сүттің орташа өнімділігі 4500-ден 5200 кг-ға дейін, майдың үлес салмағы 3,8-4,2%, ақуыз 3,3-3,5% болады.

Орталық Симменталь тұқымды малдар Қазақстанның қатал климатына және жем-шөп жағдайына жақсы бейімделгенін атап өтті. Бұл малдар кеуекті, қатты жемді жақсы қорыта алады, табиғи төзімділігі жоғары және ірімшік жасауға болатын керемет сүт алуға болады.

Бұл тұқымның малдары кез-келген климатқа жақсы бейімделетіндігінің арқасында  бүкіл әлемде кең таралды. Осы тұқымдардан бірқатар басқа тұқымдар алынды, атап айтсақ:  Монтельдиард, флекси, болгар қызыл сиыры, венгр ала сиыры, словак қызыл ала сиыр, сычёвск сиыры және басқалары.