Президент электронды ветеринариялық құжаттарды енгізу туралы заңды бекітті

Қазақстан Республикасының Президенті Қасым-Жомарт Тоқаев «Қазақстан Республикасының кейбір заңнамалық актілеріне ветеринария мәселелері бойынша өзгерістер мен толықтырулар енгізу туралы» заңға қол қойды. ҚР Ауыл шаруашылығы министрлігі енгізілген түзетулердің маңызын түсіндірді.

«Аталған нормативтік акт ауыл шаруашылық малдарын тіркеу үшін мәліметтер базасынан ветеринариялық паспорттарды электронды түрде алуға мүмкіндік береді. Бұл ветеринариялық паспорттағы және ауыл шаруашылығы малдарының мәліметтер базасындағы ақпаратты қамтамасыз етеді», - деп атап өтті Ауыл шаруашылығы министрлігі.

Сондай-ақ, енгізілетін электрондық құжаттарды енгізу жергілікті атқарушы органдардың ветеринариялық төлқұжатты сатып алуға жұмсайтын мемлекеттік бюджеттің қаражатын азайтады.

Сонымен қатар, енгізілген түзетулер мемлекеттік ветеринариялық-санитариялық бақылау мен қадағалауды жүзеге асыру кезінде суретке түсіру және бейнежазбаға түсіру үшін техникалық құралдарды қолдану және бекіту мүмкіндігін береді.

Мемлекеттік ветеринариялық-санитариялық инспекторлар мемлекеттік бақылау кезінде фотосуреттер мен бейнежазбалар жасауға, техникалық құралдарды (құрал-жабдықтар, аспаптар, өлшеу құралдары, құрылғылар, аспаптар және басқа да техникалық құралдар) пайдалануға құқылы.

«Аталған өзгерістер құқық бұзушылықтардың және соған себеп болатын жағдайлардың туындауына жол бермейді», - деп атап өтті Ауыл шаруашылығы министрлігі.

Тақырыпқа байланысты оқу: Серік Рахимбаев: Ветеринария саласында біз үшінші ел болып саналамыз

Сонымен қатар, бұл заң Еуразиялық экономикалық одақтың кедендік шекарасы арқылы автомобильдік бақылау бекеттерінде мемлекеттік ветеринариялық-санитариялық, карантиндік фитосанитарлық бақылау мен қадағалауды жүзеге асыруға байланысты талаптарды өзгертуге бағытталған.

Ауыл шаруашылығы министрлігі мемлекеттік ветеринариялық-санитариялық бақылау мен қадағалауды жүзеге асыру кезінде фото және видео түсірілімге техникалық құралдарды пайдалану ережелерінің жобасын дайындаған болатын. Инспектор өз жұмысын орындай бастаған кезден және аяқталғанға дейін бейне түсірілім үздіксіз жүргізілуі керек деп көрсетілген. Фото және видео жазу процесінде ветеринариялық-санитариялық инспектордың да, азаматтардың барлық әрекеттері, соның ішінде көлік құралдарын қарау, ветеринариялық тексеру, мемлекеттік ветеринариялық-санитариялық бақылау нысандарын тексеру және тағы басқа да іс-шаралар жазылады.

Жаңа ереже бойынша, фото және бейне жазбаларды және жады карталарын рұқсатсыз жоюға болмайды, фото және бейне жазбаларды алуға рұқсат жоқ, сондай-ақ фото және видео жазба жазуға кедергі келтіруге жол берілмейді.

Сондай-ақ, бейнетіркеуіш құралды ресми қызметке қатысы жоқ мақсаттарда пайдалануға жол берілмейді.

Сандық құрылғыдағы фото және видео жазбалар  1 жыл, ал әкімшілік құқық бұзушылықтар және тексеру қызметі туралы жазбалар - 5 жыл сақталады.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.