Қазақстанда ет импортына квота бекітілді

Сауда және интеграция министрлігі ЕЭК Алқасының шешімімен Қазақстанға 2021 жылға бөлінген ет импорты үшін тарифтік квоталардың көлемін атады.

Ағымдағы жылы Қазақстанға берілетін тарифтік квоталардың көлемі келесі мөлшерде белгіленді: ірі қара еті - 11 760 тонна, құс еті (аяқтар) - 128 000 тонна, ішек-қарын – 12 000 тонна.

Квота бұрыннан келе жатқан танымал жеткізушілер арасында 2 кезеңде бөлінеді. Сауда министрінің 2020 жылғы 22 желтоқсандағы бұйрығына сәйкес келесідей мөлшердегі квота бөлінді: ірі қара етіне – 2 835 тонна, құс етіне – 28 800 тонна, ішек-қарынға – 2 700 тонна.

Екінші кезең 2021 жылдың 15 сәуіріне дейін бекітіледі.

Сондай-ақ, Сауда министрлігі сиыр және құс етін импорттауға жаңа өнім жеткізушілер арасында тарифтік квоталарды бөлу өтінімдерге сәйкес 1 наурыздан бастап квота аяқталғанға дейін кезек бойынша жүзеге асырылатындығын хабарлады.

Жаңа жеткізушілер үшін квотаның жалпы көлемі мынандай: ірі қара еті - 420 тонна, құс еті (аяқ) - 12 800 тонна, ішек-қарын – 1 200 тонна.

Тақырыпқа байланысты оқуАлматы облысында Tyson Foods және Baumann зауыттары салынады

Естеріңізге сала кетейік, 2020 жылы Қазақстан 269 310,2 тонна етті $369 млн 573,1 мыңға импорттады, атап айтқанда, жаңа сойылған және салқындатылған сиыр етінің импорты 11 625,1 тоннаны ($36 млн 818 мың), мұздатылған - 12 332,5 тоннаны ($40 млн 153,1) құрады.

Осы аталған кезеңдегі ет және ет өнімдерінің экспорты 27 450,7 тонна болды.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.