Елді мекен маңындағы жайылымдардың жетіспеушілігі 29 млн гектарға бағаланды

Жер реформасы жөніндегі комиссияның талқылауына ұсынылған тағы бір мәселеле-ауылдағы тұрғындардың ауласындағы малдарын жаюға арналған жайылымдық жерлердің тапшылығы. Жергілікті билік органдарына халықтың қажеттіліктерін қанағаттандыру үшін ауылшаруашылық кәсіпорындарынан жайылымдарды алуға құқығы жоқ, бұл мәселе Жер комиссиясына осы құқықты нақтылау жөнінде ұсыныстар енгізді.

Комиссияның барлық ұсыныстары «Қазақстан Республикасының кейбір заңнамалық актілеріне жер қатынастарын дамыту мәселелері бойынша өзгерістер мен толықтырулар енгізу туралы» заң жобасына енгізілетін болды. Аталған заң жобасының тұжырымдамасы «Ашық НҚА» порталында жарияланады.

Бұл құжатта өткен ғасырдың 90-жылдарында ауылдардың айналасындағы жерлер осы мекенде тұрып, жұмыс істеген азаматтарға жер үлестері бойынша бөлінгендігі атап көрсетілген. Алайда ол кезде халықтағы мал саны әлдеқайда аз болған еді және елді мекендердің перспективалық дамуын ескере отырып жайылым жеткілікті болды.

Қазіргі кезде жайылымға деген қажеттілік біршама өсті. Ауыл шаруашылығы министрлігінің мәліметтері бойынша, бүгінгі таңда елді мекендердегі жайылымдық жерлердің ауданы 21 млн.га. Статистикалық мәліметтерге сүйенсек, осы жылдың басында жеке қосалқы шаруашылықтарда жайылатын 6,2 млн бас мал бар.

«Қажетті жайылымдардың көлемі бекітілген нормативтерге сәйкес жеке қосалқы шаруашылықтардағы малды жаю үшін 50 млн гектар жайылым қажет. Соған орай, жетіспейтін жайылымдардың ауданы 29 млн га-ны құрайды», - деп жазылған  тұжырымдамада.

Тақырыпқа байланысты оқу: Тоқаев  жыл соңына дейін 46 млн га жайылымды қайтаруды тапсырды

Сонымен бірге, елді мекендердің айналасындағы жерлердің көп бөлігін қазіргі кезде ауылшаруашылық субъектілері алып жатқандығы, оның ішінде шартты жер үлесі есебінен қалыптасқаны атап өтіледі.

2018 жылы елді мекендердің айналасындағы жайылымдардың жетіспеушілігі проблемасын шешу үшін Қазақстан Республикасының Жер кодексіне жергілікті атқарушы органдарға халықтың қажеттіліктерін қанағаттандыру мақсатында жер учаскелерін мемлекет мұқтажы үшін алып қою құқығын беретін түзетулер енгізілді.

«Тұрғындардың ауласындағы ауыл шаруашылығы малдарын жаюға деген қажеттіліктеріне керекті жайылымдық жерлердің аумақтарын анықтау үшін жергілікті  атқарушы органдардың бірлескен шешімдері бойынша анықтау ұсынылады. Мұнда жайылымдарды басқару жоспарында көрсетілген жағдайлар мен сипаттамалар ескерілетін болады», - деп көрсетілген тұжырымдамада.