ФАО Қазақстандағы ветеринария жүйесіндегі олқылықтарды анықтады

Біріккен Ұлттар Ұйымының Азық-түлік және ауылшаруашылық ұйымы (ФАО) Орталық Азия бойынша мал денсаулығын қорғау жүйесін құру туралы жаңа бастама көтеруде. Аталған жұмыс аясында ФАО ветеринарлық қызметтің қолдауымен Қазақстанда мал денсаулығын қадағалау жүйесін бағалайтын көшпелі миссия ұйымдастырды, деп хабарлады ұйым.

Бұл миссия барысында арнайы мамандар тобы кейбір жағдайларды анықтап, ұсыныстар дайындады.  Олардың негізгі мақсаты- Қазақстандағы және одан тыс жерлердегі малға байланысты азық-түлік қауіпсіздігі мен халықтың денсаулығына төнетін қатерлерді азайту болып табылады.

Қазақстанда жүргізілген бағалау миссиясы ФАО-ның қадағалау жүйесіндегі құрал (SET) арқылы жүзеге асырылды.

ФАО қазіргі кезде Қазақстан 2022-2026 жылдарға арналған агроөнеркәсіптік кешенді дамытудың ұлттық жоспары аясында ветеринарлық жүйені реформалау процесінде екенін атап өтті.

«Ешбір елде таусылмайтын шексіз ресурстар жоқ, сондықтан жануарлардың денсаулығын ертерек бақылап, анықтау мен диагностика жасау үшін бюджет қаражат бөлу туралы шешім қабылдаса, жағдай жақсарады деген сөз және жан-жақты бақылау жүргізу олқылықтарды анықтауға көмектеседі , оларды жақсартуға мүмкіндік береді»-деді жануарлар денсаулығы бойынша ФАО маманы Даниэль Бельтран-Алькрудо.

Тақырыпқа байланысты оқу: Дүниежүзілік банк бөлген несиені Қазақстанда мал шаруашылығына қалай жұмсайтын болады

Эпидемиологиялық бақылау жүйесі жануарлар ауруларын ерте анықтау және алдын-алу бойынша барлық ұлттық және далалық жауапты ұйымдармен сұхбаттар жасауға мүмкіндік береді. Олардың арасында мал иелері, мемлекеттік және далалық ветеринарлар, денсаулық сақтау жүйесінің, қоршаған ортаны қорғау және ішкі істер органдарының өкілдері бар. Бақылау жүйесі 90 индикатор бойынша бағаланды.

Сондай-ақ, нормативті-құқықтық база, зертханалық талдаулар, кадрлармен қамтамасыз ету, кадрларды даярлау, эпидемиялық ошақты анықтау,тергеу және жедел процедуралар жасау қарастырылды.

«Барлық жұмыстар бағаланып, ветеринария органдарымен талқыланды. Жетіспейтін жағдайлар жан-жақты қарастырылып, есеп жасалды және айтылған ұсыныстар жақын арада Қазақстан үкіметіне жіберіледі», - деді SET бағалауын жүргізген Динара Иманбаева.