AgriTek/FarmTek Astana'2023-ке 200-ден астам компания қатысады

Фото көзі: TNT EXPO

AgriTek/FarmTek Astana'2023 ауыл шаруашылығының он сегізінші халықаралық мамандандырылған көрмесі 29-31 наурыз аралығында EXPO халықаралық көрме орталығында өтеді. Іс-шараны TNT EXPO компаниясы ұйымдастырады.

"Көрме UFI Approved Event мәртебесіне ие болды. Бұл белгі оқиғалардың жоғары ұйымдастырушылық деңгейін, олардың бизнестің дамуына және саланың қалыптасуына әсерін көрсетеді, сондай-ақ статистиканың дұрыстығын растайды", - деп хабарлады TNT EXPO.

AgriTek/FarmТekАstana-2023-те өз өнімдерін Ұлыбритания, Германия, Дания, Израиль, Италия, Қазақстан, Қытай, Польша, Ресей, АҚШ, Түркия, Украина, Франция және басқа елдерден 200-ден астам компания ұсынады.

Қазіргі заманғы мамандандырылған EXPO орталығында 11 мың шаршы метр алаңдағы залда және сыртқы алаңда ауыл шаруашылығы үшін қажет нәрсенің бәрі ұсынылады. AgriTek/FarmTek Astana'2023 тақырыбы: ауыл шаруашылығы техникасы мен жабдықтары, қосалқы бөлшектер, суару және тыңайтқыш технологиялары, тұқымдар мен көшеттер, тыңайтқыштар, өсімдіктерді қорғау құралдары, құс және мал шаруашылығына арналған жабдықтар мен технологиялар, мал азығы, ветеринариялық технологиялар және т. б.

Көрмеге жыл сайын 4 мыңнан астам ауыл шаруашылығы өкілдері келеді.

Тақырып бойынша оқу: AgriTek/FarmTek Astana көрмесі ауқымды бола түсуде

Көрме аясында ауыл шаруашылығының түрлі мәселелері бойынша конференциялар, семинарлар, дөңгелек үстелдер өткізіледі.

AgriTek/FarmTek Astana ҚР Ауыл шаруашылығы министрлігінің, Астана әкімдігінің, Қазақстан құс өсірушілер одағының ресми қолдауымен тұрақты түрде өтуде. Ресми әріптесі ҚазАгроҚаржы.

Көрме туралы толығырақ ақпарат алу үшін TNT EXPO ЖШС-не хабарласыңыздар:

• а/ж186, Бөгенбай батыр көшесі 134, Алматы, Қазақстан Республикасы, 050000.
• Tel.: +7.727.344.0063
• E-mail: agri@tntexpo.kz
• Web: www.agriastana.kz