Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Қазақстанда күн ыстық болады
15 июля 2020
16-18 шілдеде Қазақстанның көптеген аймағында күн ыстық болады. Бұл туралы Қазгидромет хабарлайды.
«Қазақстанның барлық дерлік аумағында жауын-шашынсыз болады. Тек республиканың батыс және шығыс бөліктерінде күн күркіреп, қысқа мерзімді жаңбыр жауады, жел күшейеді, бұршақ жаууы мүмкін. Оңтүстіктің кей жерлерінде жел күшейіп, шаңды дауыл тұрады», - деп хабарлайды синоптиктер.
Болжам бойынша, республиканың басым бөлігінде ыстық ауа райы сақталады, бұл Иран аумағынан ескен ыстық ауаға байланысты.
Сондай-ақ, «Қазгидромет» 16 шілдеде қатты ыстыққа байланысты дауыл болады деп ескерту жасады.
Атырау облысының кей жерлерінде найзағай ойнап, солтүстік-батыстан секундына 15-20 метрге дейін жел тұрады, күндіз 35-39 градус қатты ыстық болады, оңтүстікте 42 градус болып, төтенше өрт қаупі сақталады.
Маңғыстау облысында күндіз найзағай ойнап, шаңды дауыл тұрады, солтүстік-батыстан секундына 15-20 метр жылдамдықпен жел соғады. Күндіз облыс аймақтарында 38-42 градус ыстық болады.
Ақтөбе облысының оңтүстігінде 40-42 градусқа дейін ыстық ауа райы сақталады.
Қарағанды облысында солтүстік-шығыстан 15-20 метр жылдамдықпен жел соғады, екпіні секундына 23-28 метрге дейін жетеді. Күндіз оңтүстікте 36 градусқа дейін қатты ыстық болады деген болжам бар.
Ақмола облысында солтүстік-шығыстан секундына 15-20 метрге дейін жел тұрады, 17-18 шілдеде күндіз 36 градусқа дейін қатты ыстық болып, кей жерлерде төтенше өрт қаупі сақталады.
16-18 шілде күндіз Солтүстік Қазақстан облысында қатты ыстық 35-37 градусқа дейін жетеді.
Шығыс Қазақстан облысында күндіз кей жерлерде 35 градусқа дейін қатты ыстық болады, солтүстік-шығыстан соққан жел секундына 15-20 метрге дейін жетеді.
Қызылорда облысында солтүстік-шығыстан соққан жел секундына 15-20 метрге дейін күшейеді. Күндіз 40-42 градусқа дейін қатты ыстық және төтенше өрт қаупі сақталады.
Күндіз Түркістан облысының тауларында найзағай болады. Кей жерлерде шаңды дауыл тұрады, желдің күші секундына 15-20 метрге жетеді.
16-18 шілде күндіз Алматы облысында 35-36 градусқа дейін қатты ыстық болады деп күтілуде.
