ШҚО-да жауапсыз жер пайдаланушылар учаскелерінен айырылды

Шығыс Қазақстан облысында жерді белгілі мақсатта пайдаланбайтын 260 жауапсыз жер пайдаланушы жер телімдерінен айырылды. Тәркіленген учаскелердің бір бөлігі ауыл шаруашылық қызметін және жеке қосалқы шаруашылық жүргізуге арналған болатын.

Жер учаскелері мәжбүрлеп алынған жеке және заңды тұлғалардың тізімі бойынша ШҚО-да 2018 жылдан 2020 жылға дейін пайдаланылмаған жер телімдері алынды.

Атап айтқанда, Үржар ауданында ауыл шаруашылығы өндірісін жүргізуге бөлінген 3480 га жер AvironProducts компаниясынан алынды. Шаруа қожалығын жүргізуге арналған көлемі 20 га екі учаске Семей маңындағы Озерка ауылдық округі ауданында және Глубокое ауданында Бобровка ауылынан солтүстік - батысқа қарай 6 шақырым жер тәркіленді.

Бұдан басқа, ондаған меншік иелері саяжай құрылысына арналған телімдерден айырылды: Ұлан ауданында 37 учаске, Зырян ауданында – 79 және Алтай ауданында – 40 учаске тәркіленді, оның төртеуі бір жер пайдаланушыдан алынды. Глубокое ауданында тағы бір саяжай учаскесі тәркіленді.

Сонымен қатар, Риддер қаласында, Верхняя Хайрузовка ауылында жеке қосалқы шаруашылық жүргізу үшін 0,25 га-дан 6 учаске тәркіленді, Глубокое ауданында жер пайдаланушылар жеке қосалқы шаруашылық үшін 12 учаскеден айырылды.

Қазақстан бойынша ауыл шаруашылығы мақсатындағы алып қойылған жерлер туралы толық ақпаратпен мына жерден танысуға болады.

Жер кодексіне (92 және 94-баптар) сәйкес, егер олар екі жыл бойы пайдаланылмаса, ауыл шаруашылығы мақсатындағы жерлер үкіметке қайтарылады. Сонымен қатар, АШМ заңнамаға түзетулер дайындады, оған сәйкес ауыл шаруашылығы мақсатындағы жерлер бір жыл ішінде пайдаланылмаған жағдайда алынатын болады.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.