Ауыл шаруашылығын қаржылай қолдау қоры онлайн режимінде несие алуға өтініш қабылдай бастады

Ауыл шаруашылығын қаржылай қолдау қоры онлайн режимінде екі аймақта несие алуға онлайн өтінімдер қабылдау жүйесін іске қосты. Бұл туралы қордың баспасөз қызметі хабарлады.

Қор жұмыспен қамтуды және жаппай кәсіпкерлікті дамыту бойынша «Еңбек» бағдарламасы аясында несие береді. Ақмола және Алматы облыстарының тұрғындары үшін Нұр-Сұлтан мен Алматыда орналасқан филиалдарда онлайн-қосымшалар жүйесі енгізілді.

«Құжат тапсыру уақытын қысқарту үшін, сапалы қызмет көрсету мақсатында  «Мал шаруашылығын дамытуға арналған несиеге» өтінімдерді (4 млн. теңгеге дейін)  онлайн қабылдау енгізілді. Кәсіпкер үйде немесе кеңседе отырып электронды цифрлық қолтаңбаны қолдана отырып жүйеге (ХҚО-дан немесе egov.kz арқылы алынған) өзінің Еңбек бағдарламасының талаптарына сәйкестігін тексеру үшін өтініш жібере алады», деп түсіндірді Қор қызметкерлері.

Өтініш түскеннен кейін Қордың автоматтандырылған жүйесі мемлекеттік дерекқорлар мен несиелік бюролардың ақпараттарын пайдалана отырып, әлеуетті қарыз алушының сенімділігі мен несиелік қабілетін тексереді. Осыдан кейін кәсіпкер алдын-ала келісім алады және қордың кепілдік бөліміне жіберіледі. Егер өтініш беруші алдын-ала мақұлдау алмаған болса (банктер мен басқа қаржы институттары алдындағы қарыздары, салықтар, несие туралы тарихы нашар болса және т.б.), онда Қорға құжат өткізудің қажеті жоқ.

«Бизнес-процестерді жедел істеу және оңтайландыру - Қор қызметіндегі маңызды бағыттардың бірі. Автоматтандыру бойынша көп жұмыс жасалды: автоматты жүйенің көмегімен мемлекеттік мәліметтер базасының, Мемлекеттік несие бюросы мен бірінші несиелік бюроның қолда бар ақпараттары қарастырылып, талданды», - деді Ауыл шаруашылығын қаржылай қолдау қорының басқарушы директоры Марина Асанова.

Қордың баспасөз қызметі хабарлағандай, онлайн режиміндегі мақұлдау фермерге 1 сағаттан аспайтын уақытты берілетін болады. Құжаттарды қарау мерзімі 15- күннен 3 жұмыс күніне дейін қысқарды.