Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Қазақстанда органикалық бал шығару кеңейеді
24 декабря 2020
Қазақстандық омарташылар соңғы екі жылда органикалық бал өнімдерін бес елге экспорттады. Алдағы уақытта аталған өнімдерді экспорттаушылардың тізімін арттыру жоспарланып отыр. Бұл туралы ҚР Ауыл шаруашылығы министрлігі хабарлады.
Министрліктің мәлімдеуінше, ҚР органикалық бал өнімдерін өндіруге техникалық құжаттар әзірлеген. 2019 жылдың басында омарташыларға Ресей мен Қырғызстанның сарапшыларын шақыра отырып жаппай оқыту шаралары өткізілді. Кейінірек бұл әдіс балды экспорттауда қолданылды.
«Осындай жұмыстардың нәтижесінде 2019-2020 жылдары ҚХР, АҚШ, БАӘ, Кипрге бал экспорты бойынша келісімшарттар жасалды. Қытайдың мемлекеттік карантиндік инспекциясы Шығыс Қазақстанда орналасқан омарташыларға үш рет тексеріс жүргізіп, органикалық өнімдердің талаптарға сай келетін шаруашылықтарды іріктеп алды. 2019 жылдың күзінде «ВКШОС» ЖШС-нің «Пасека» атты шаруа қожалығы Қытайдың карантиндік инспекциясынан «Эко бал» деген сертификатын алды», - деп хабарлады Ауыл шаруашылығы министрлігі.
Тақырыпқа байланысты оқу: Бал баптаған Қазақстан
«Эко бал» сертификатын бере отырып, тағы бірнеше ара өсіретін шаруашылықтарда органикалық өнім өндіру жоспарлануда, бұл өз кезегінде экспортқа бағытталған өнімді шығаруға, халықтың сатып алуына мүмкіндік береді.
Ауыл шаруашылығы министрлігі Қазақстанда цифрлық технологияларға негізделген инновациялық диагностикалық қағидаларды қолдана отырып, органикалық ара шаруашылығы өнімдерінің табиғилығы мен сапасын анықтау әдістерін әзірлеу қажет деп атап өтті. Бұл әдістер халықаралық стандарттарға сәйкес келуі керек.
